TAI‘ORAA I TO‘U MAU HAAMAITAIRAA
E melo vau no te Ekalesia e 15 matahiti i teie nei. Na roto i teie mau matahiti ua vai mai te mau tamataraa e te mau titauraa. E rave rahi atu â ra te mau tumu no te tuturi i raro e no te haamauruuru i te Atua no To’na here mure ore.
Mai ta te himene e parau ra:
Noa’tu te mau ati, a rohi na, E tauturu noa mai te Atua.
Na te mau melahi e poihere mai, i to tere roa,
E ora roa’i.
(« Tai‘o mai na i to mau Maitai », Te mau Himene, no. 147)
I te mau taime atoa e nehenehene ia‘u, e faaite au e e nehenehe tatou e ite i te oaoa i roto i teie nei oraraa e te îraa o te oaoa i roto i te oraraa mure ore. Te faaite papû nei au e faatupu te Atua i te reira, e aua‘e te Faaora, e nehenehe ta tatou e ora i pihai iho ia Raua e a muri noa’tu.