TE ORARAA I TA’NA MAU FAAUERAA

Fiorino Berardo, Ra-parata

O Iesu Mesia te e‘a mau, te Pane Ora. O Oia o tei horo‘a i te nehenehe i te taatoaraa o te mau mea tei hamanihia no te maitai e no te tururaa i te taata. O Oia te hamaniraa rahi roa‘e o te mau hamaniraa atoa a te Atua, te Tamaiti Fanau Tahi i te tino nei e te Matamua i roto i te varua. Ua faaite mai te Metua na roto Ia’na To’na here rahi i te taatoaraa.

Ua farii vau i roto i to‘u nei oraraa e rave rahi mau haamaitairaa na roto i to‘u faaroo ia Iesu Mesia e na roto ihoa râ i te taraehara mo‘a – te ohipa hanahana roa‘e a te Fatu. Te tamata nei au i te faaite i te here ta‘u e ite No’na na roto i te oraraa i Ta’na mau faaueraa.

I teie taime, e nau ti‘a maua e ta‘u vahine faaipoipo no Iesu Mesia, na roto i te taviniraa i te hoê misioni rave tamau No’na. E oaoaraa faahiahia i te pororaa i te evanelia a Iesu Mesia e i te aniraa i te mau taata ia haere mai Ia’na ra e ia farii Ia’na ei Faaora no ratou.