TE ORARAA I PIHAI IHO IA’NA
Ua toro mai te Fatu i To’na rima ia‘u fatata e pae matahiti i teie nei, e ua taui te evanelia i to‘u nei oraraa. Auaê Ta’na Taraehara, i faaorahia’i au i te mau ma‘itiraa no te tau tahito e i nehenehe ai ia‘u ia ite i roto i to‘u nei aau te semeio no te faaoreraa hara.
E apee e e haapuai Iesu Mesia ia tatou i te mau mahana atoa mai te mea e mea parau-tia tatou. E ere noa ta tatou mau hara o te tumahia e te haamo‘ehia, e anaana râ To’na maramarama i roto i to tatou iho mau oraraa e ta tatou mau ohipa.
O Oia to tatou Faaora, te Tamaiti a te Atua. E mea hope ore To’na ra here. Mai te mea e ora tatou mai Ta’na i hinaaro ia tatou i te ora, e farii ïa tatou i To’na ra here e e farii ïa tatou i te ti‘aturiraa no te ho‘i e ora i pihai iho Ia’na e to tatou Metua i te Ao ra e a muri noa’tu.