Te Kaoti Iango
Te Babaire Ae Te Kabanea N Tamaroa
N Ritembwa 2005 tabeman ara utu aika kaain te Ekaretia a kawara kainnabau ao ngai i Colombia. Imwaain ae a okira mweengaia, e anganai ai tamau uoua bwaintangira aika tamaroa— ikotakin booki aika tabu aika teniua, Ana Boki Moomon, te Doctrine ao Covenants, ao te Pearl of Great Price ao tabeua maekatiinin te Riaona aika a maan taia.
I moana warekan te maekatiin ae bwain Nobembwa 2004, ake a kanoaki n taian taetae man te maungatabu n Okitobwa. I wareka “Condition of the Church,” iroun President Gordon B. Hinckley, ao “Prophets, Seers, and Revelators,” iroun Unimwaane Jeffrey R. Holland. Aia koaua mwaane aika kakannato aikai a kairai bwa N na moana warekan Ana Boki Moomon ao te Baibara.
Mwiina bon te bwai ae rangi n tamaroa are e a tia n riki nakoira. Ngai ma kainnabau ti a tia ni karaoa te babaire ae te kabanea n tamaroa ibuakon ara babaire nako—ti bon bwabetitoaki bwa kaain Ana Ekaretia Iesu Kristo Ibukiia Aika Itiaki Ni Boong Aika Kaitira.
Edgar Henry Muñoz Portrays, Colombia
Katauraoan Aontano
I kan kaota au kakaitau ae nano ibukin te maekatiin ae te Riaona. E a tia au koaua n rangi ni kakorakoraaki man au iango mwaaka ni wareware ni maekatiin aika a kairaki iroun te Tamnei. E a tia n taai aika mwaiti te Tamnei ae Raoiroi ni kamatoa nakoiu koauan raoi taian karaki ao e kaonai ma te kakaitau.
Ao n tokin taian atatai n te tamnei aikai, ao I karekea te nano ni kan tibwauai rongorongo ake i nanon te maekatiin ma tabeman aomata. I kanakoa au bwaintangira ni bwaka mwane nakon ai mwaaneu. E tuangai bwa E tatangira te maekatiin ao e warekia n taai nako. Au kaantaninga bwa e na buokia n reiakina kakaawakin karaoan ao kaawakinan taian otenanti.
I kanakoi naba katooton te Riaona nakon raoraou ae te tia reirei n te aba teuana. E tuangai bwa e tatangira te maekatiin ao e tangiria ni kateimatoa kakarekeana. Aio arou ni katauraoia bwa e na ongora ao ni butimwaea te euangkerio ae manga kaokaki n te bong teuana.
Penélope B. Woodward, Texas, USA
Tamnein te Maungatabu
Ngkana I karekea katooton te Riaona iaon te maungatabu, I tarai taian tamnei i aon iteraniba ni kabane. I tangiria n nori ubuia aomata ao ni kabane tamnein te maungatabu aika kakaokoro. A buokai n namakina te tamnei are e kaoti n taabo nako ni katobibia te aonaaba n tain te maungatabu. Ai tamaroara ni kabane natin Tamara are i Karawa! Te maekatiin e angan ubuu te matangare n taai nako. Kam rabwa ibukin ami kekeiaki ae e aki nooraki—kam rabwa ibukin te Riaona.
Jung YeJi, Korea
Elias Te Kookoaua
I tangiria n tuangi ngkami bwa mwaitira aron tangiran te Riaona iroura. Natiu te mwaane, Elias (are ai uoua ana ririki n te tai anne), e tatangira te karaki ae “Honest Morgan” n te maekatiin ni Maati 2007. Agiin te tai I wareware nakoina. E bon kona naba ni manga taekina te karaki ao e bon eti raoi. N na rangi ni kakaitau ngkana kam teimatoa n anga ami karaki aika kimototo.
Ao bon ibuku, I wareka te Riaona man tinanikuna nakon tinanikuna ao I kukurei n taian rongorongo, karaki, ao iango. Kam rabwa ibukin reken ara tai ni karekei kanan tamneira.
Sonja Görgen, Germany