Katabuan te Tembora Iaon Curitiba Brazil

E katauraoaki te Curitiba Brazil Tembora bwa e na kaukaki n te Moanibong, Tuun 2, 2008, teuana te bong imwiin aua ana tetere ni katabu are e baireaki ibukin te Taabati, Tuun 1.

Te bukamaru n te katei e na karaoaki n te Kaonobong, Meei 31, te tairiki are imwaain te katabu. E ruamwiaki te bukamaru ao te katabu ma neweabakina iroun te botanaomata ae teuana namwakaina maanna are e karaoaki man Meei 10 nakon 24, 2008.

Te Curitiba Brazil Tembora bon te ka-126 n tembora ae mwakuri n te aonaaba ao te kanimaua n tembora irouia Aika Itiaki Ni Boong Aika Kaitira i Brazil. Iai naba tembora aika tei i Campinas, Porto Alegre, Recife, ao Sao Paulo. Te Manaus Brazil, are e katanoataki n 2007, e na bon riki bwa te kaonoua n tembora i Brazil.

E moan katanoataki te Curitiba tembora n Aokati 2002, ao katabwenan aontano ni Maati 2005. E na buokiia ae e raka nakon 42,000 kaain te Ekaretia, ni ikotaki ma naake a roko man titeiki aika 21 n aban Parana ao Santa Catarina.

E baireaki tain te katabu ao kanoan te bukamaru bwa a na karaoaki imwiin boretiakin te maekatiin aei.