IANGO IBUKIN BOOTAKIN TE UTU N TE TAIRIKI

A kona ni kabonganaaki iango aikai ibukin te angareirei n te umwanreirei ao n te mweenga.

“Rengarenga ibukin te Mweenga ae Kakukurei,” iteraniba 26: Tibwaua ana karaki Ronndahl, kakaei rengarenga ake e karika mweengaia bwa e kakukurei. Iangoia bwa ko na karaoa te amwarake ae raka arora imwain te bootaki n utu n te tairiki. Inanon am tai ni ikotaki ni katauraoa te amwarake, marorooakina aroia bwaai n rengarenga ni kangkangia te amwarake, n aroia naba kaain te utu n tatabemania ni karika te mweenga ae kakukurei.

Wareka te karaki. Kabongana ana banna ni katooto Ronndahl, tuangia kaain am utu bwa tera ae a kan karaoia n tain te bootaki n utu n te tairiki. Karaoi mwiokoaia nakon te bootaki n utu ae na roko. Tao ko na kan karaoa te takakaro ae kabaean te mata ao ko tuangnga te kawai.

“Bain te Atua ni Kairiiri,” iteraniba 30: Moanna man taekinan ana atatai Unimwaane Paul ma te tataro. Warekia ni kabaibati ana berita iaan te kibu “Guiding a Life.” Wareka Aramwa 34:18–26, ao marooroakina te bwai are e reireiniia tenaan Tioramwaite ibukin te tataro. Tuangiia kaain te utu bwa a na tibwaua te bwai are a tia ni buokaki iai n te tataro.

“Aio te Tai,” iteraniba 34: Tibwauai teniua aekaki ni kawai ake e kabonganai Sasha ni wareka Ana Boki Moomon. E kanga ana kateniua ni kawai n okoro ma ake uoua? Wareka Moronaai 10:4–5, ao marorooakina ana berita Moronaai.

“Ko Tangiria n Nakon te Moanrinan ma Ngai?” iteraniba R12: Maroroakinna ma natim, te bwai ae a tangiria ibukin te Moanrinan. Karakinna ni kauarerekea te karaki n te beeba aei ma kaain am utu. Iai ae a tangiria ni kaoa nakon te Moanrinan? Katea te kouru bwa ana kaira temanna nakon te Moanrinan ke nakon te waaki ni kakukurei n te Moanrinan.

“Te Aki Mamatam n te Utu,” iteraniba R15: Wareka te rongorongo, ao iangoa karaoakin te “tiaa ibukin te katei ae tamaroa” ma kaain am utu. Marooroakinna bwa e kanga ana akimamatam ao ana anga karea Leonardo ao Mariana ni kakabwaiaia ao tabeman riki. Ko kona naba ni karaoa te aki mamatam n te utu ibukin temanna ae tangira te kakabwaia ae onoti ao karaoa te bwai ae na buoka te aomata anne.