E Katanoataki Bwaai Aika a na Karaoaki n Te Panama City Tembora

E a tia te Moan Beretitentii ni katanoata bongin namwakaina ibukin neweabakin ao katabuan te Panama City Tembora, te ka-127 n tembora ae mwakuri n te aonaaba.

E na uki te tembora, are bon te moan i Panama, nakon te botanaomata n Tuurai 11, 2008, ao e na teimatoa n uki ni karokoa Tuurai 26, ao tiaki n taian Taabati. E na karaoaki te bukamaru ni katein te aba n Aokati 9 imwaain taian tetere ni katabu aika aua are a baireaki taiia nakon te Taabati, Aokati 10, 2008. E na uki te tembora ibukin mwakuri aika tabu n te Moanibong, Aokati 11.

E moanaki kateana n Okitobwa 2005 imwiin katabwenan aontano iroun Unimwaane Spencer V. Jones man te Itingaun, are e Beretitenti n Aonon Central America n te tai anne. E katanoataaki te tembora n Aokati 2002. Iai kaain te Ekaretia ae e kaaniia 22,000 mwaitiia i nanon itiua titeiki ao teniua mwakoro i Panama.