Karika Oin Am Aenika

N 1856 te moan kambwana n aenika ibukiia Aomata aika Itiaki ni Boong aika Kaitira ake bwaeoniia a moana mwanagaia nakon te Salt Lake Valley. Inanon te aua n ririki are i mwiina, e raka nakon 3,000 aomata ake a katiki ao ni kokoki taian aenika n rinanon taian tawaana. Ni karaoan oin am aanika, irii taian kaetieti aikai. Inanon am tai ni katokai kaako, iangoi bwaai ake ko na riai ni uoti inanon te mwananga.

Kaetieti

Kanakoi iteraniba aikai man te maekatiin, kanimwi iaon te beebwa ae matenten riki, ao koroi nakon mwakorokoro. Ni karaoa kainiwenen te aenika, rukum rake rarikia, moana, ao bukina, ao kanimwi taboia n te kuru. Kanimwa te wiira ao kain katikana n te kuru i aon rarikina ni kauaitera. Kanimwa te kai ni bangaki n te kuru i aon tabon kaai ni katikitiki. Rukum tabon nako bwaai ake tabeua bwa a na kona n tei. Katuka te tama ao te tina inanon te kai ae bangaki. (Kanimwa bain te tama itinanikun te kai ni kokoki n te kuru n te aro ae kanga e tara ni katikia.) Katuka te nati te aine ao kaako i nanon te aanika, ao katuka te nati te mwaane ike e na kona iai ni buoka te kokoki. Tai mwaninga ni katinea te bwaata mai buki!

Taraia: Ngkana ko aki tangiria ni korouai iteraniba man te maekatiin, te reirei aei e na kona ni kaeweaki ke ni boreetiaki man te Intanete man www.lds.org. Ibukin te Ingiriti, kiriki iaon “Gospel Library.” Ibukin taetae ake tabeua, kiriki iaon “Languages.”