RONGORONGON TE AONAABA AIKA KIMOTOTO 890 SAM

E Anga Te Kabwarabwara Iaon Te Tia Kamaiu Ana Intanete Te Ekaretia

Jesus Christ.lds.org, te tabo ni itoman n te intanete ae boou ae kaotaki iai tamnein te Tia Kamaiu, e na kaotaki nakoia naake a ongo te English ni Beberuare 25, 2008, ma babaire bwa a na tauraoi riki taetae tabeua nakon taai aika a na roko.

Taan mataku n te intanete a na bon kunei rongorongo. karaki, ao kaongora man taabo ni kareke rongorongo aika bati iaon te Tia Kamaiu, ni kaatuuaki riki iaon teniua oin boto ni iango; te onimaki iroun Iesu Kristo, Maiuna ao Ana mwakuri, ao taian kakoaua Ibukina.

Taan mataku n te intanete a na bon kona ni kunei bwaai n aron katangitang ke tamnei aika kimototo ao a kona ni kunei kawaia nakon bwaai riki tabeua ake a irekereke ma ngaia.

E Mate Ruth Faust

E katobibiaki irouia ana utu ngke e mate, Ruth Wright Faust, 86 ana ririki, ni Beberuare 10, 2008, man baika a riki ni irekereke ma rorona, onoua namwakaina imwiin maten buuna, Beretitenti James E. Faust (1920–2007), kaain ngkoa te Moan Beretitentii. E mareaki te taanga aio n Eberi 21, 1943, ao iai 5 natiia, 25 tibuia, ao 28 tibutoruia. E beku Titita Faust n nakoa aika mwaiti ni ikotaki ma te beretitenti n te Bootaki n Aine ni uoote ao titeiki, ao e raona buuna ni mwamwananga ni katobibia te aonaaba, n tangiriia kaain te Ekaretia man katei n aomata aika bati.

Te Boki Ae Uarereke Ibukin Te Katauraoi E A Tauraoi N Taetae Aika 33

A Ikotaki ni Kawakinaki Bwaai Ni Kabane Inanona, booki aika uoua aika uarereke ake a anga rongorongo aika onoti iaon ana kai n tabui te utu n te mweenga ao ana mwane te utu, a tauraoi ngkai n taetae aika 33. Booki aika uarereke, aika a kona ni karekeaki irouia ara taan kairiiri n te nakoanibonga n ara tabo, a tauraoi naba n te intanete n taetae aika 24 n te ProvidentLiving.org. Kiriki iaon Family Home Storage ke te Family Finances n angamaingin te iteraniba. Imwiina kiriki iaon te ae Family Home Storage Pamphlet ke te ae Family Finances Pamphlet n angatain te iteraniba. Imwiina rinea te taetae are ko tangiria.

E Kanakoa Rongorongon Aban Latvia Te Ekaretia Iaon Te Intanete

E a tia te Ekaretia ni moana kanakoakin te Tabo n Reitaki n te Intanete ae kinaaki ibukiia ake a mena i Latvia. Te tabo n reitaki aei e kanoaki n ana kaongora te Ekaretia ao rongorongo aika a kaineti ma Latvia ao e tei bwa ana Intanete te Ekaretia ae kinaaki n te aba. Ana tabo n reitaki Latvia e karokoa te bota ni mwaiti ae 63 n ana tabo n reitaki n te intanete te Ekaretia iaon aaba. E tauraoi te tabo n reitaki n te intanete n tatabeua nako n taetaen te aba ae kinaaki ao e kona n reke rinanon te LDS.org (kiriki iaon Languages, imwiina iaon Country Sites).