HAOHAOA FAKASEKISUALÉ

Tauhi koe ke ke haohaoa fakasekisuale pe fakaeangamaʻa. ʻOua naʻá ke feohi fakasekisuale mo ha taha ki muʻa ʻi hoʻo malí. ʻOua naʻá ke kau ki ha faʻahiga talanoa pe ʻekitivitī te ne fakatupu ha ngaahi ongo fakasekisualé. ʻOua naʻá ke kau ʻi he ngaahi ʻekitivitī fekauʻaki mo e nonofo pē ʻa e tangata mo e tangatá pe fefine mo e fefiné. Feinga ke maʻu ha tokoni ʻo kapau naʻe fakamālohiʻi koe ʻi hano tohotohoʻi, hia fakamalaʻia pe ha ngaohikovia fakasekisuale kehe.

ʻKuo pau ke ke tatali ʻi he ngaahi meʻa fekauʻaki mo e feohi fakaesino ʻa e tangatá! Kuo pau ke ke tatali kae ʻoua ke ke lava ʻo foaki ʻa e meʻa kotoa pē, pea he ʻikai ke ke lava ʻo foaki ʻa e meʻa kotoa pē kae ʻoua kuó mo mali fakalao ʻi he founga totonú. Kapau te ke kei vili taʻeʻunua ai pē ʻi hono kumia hoʻo fiemālie fakakakanó ʻo taʻe fakangofua mei he langí, te ke ʻi ha tuʻunga mātuʻaki fakatuʻutāmaki ai ke hoko kiate koe ha maumau fakalaumālie, mo fakaʻatamai pea ʻe lava ai ke taʻemapuleʻi hoʻo holi tuʻu ki he feohi fakaesinó pea mo hoʻo malava ke moʻui anganofo kakato ki ha taha te ke toki ʻofa moʻoni aí ʻa mui. Te ke toki fakatokangaʻi ʻo fakaʻiseʻisa ʻi haʻo toki ʻilo ko e meʻa ko ia naʻe totonu ke ke maluʻí, kuó ke ʻosi fakaʻaongaʻi ia ʻe koe pea ko e ʻaloʻofa pē ʻa e ʻOtuá ʻe lava ai ke toe maʻu ʻa e anga-maʻa ko ia ne ke fakaʻaongaʻi tavalé. Ko e meʻaʻofa lelei taha te ke lava ke foaki ki ho hoa taʻengatá ʻi homo ʻaho malí ko koe ʻi ho tuʻunga lelei tahá—ʻa ia ko hoʻo maʻa mo haohaoa ʻo taau mo ha tuʻunga maʻa tatau pē ʻe ʻoatu fakafoki kiate koé.”

ʻEletā Jeffrey R. Holland ʻo e Kōlomu ʻo e Kau ʻAposetolo ʻe Toko Hongofulu Mā Uá, “Maʻa Fakafoʻituitui,” Liahona, ʻOkatopa 2000, 42.