Mai Bondi Rescue e tae atu i Baguio Rescue

Ua vaiiho o Blake McKeown, tei matauhia ei taata tia‘i faaora « apî » i roto i te hoho‘a afata teata Bondi Rescue, no te fenua Auteraria, i ta’na ohipa i te hiti tatahi i te ava‘e me i mairi a’e nei no te rave i te tahi ê atu ohipa faaoraraa. Ua farii oia i te hoê piiraa misioni no te tavini i Bauio, Philippines. Ua faaite oia i to’na mau hoa e te feia mataitai i teie nei hoho‘a teata i teie nei parau apî e to’na mau mana‘o.

Ua parau oia e « i to‘u iteraa e te haere nei au i Philippines, ua oaoa roa vau ». « E mea papû e mihi au i te one tatahi, e mea faufaa rahi râ no‘u ia haere i te misioni. E ohipa teie ta‘u i haa i te taato‘araa o to‘u nei oraraa ».

Ua parau o Blake, « aita’tu e ohipa ta‘u i hinaaro i te rave no na matahiti e piti i mairi a‘e nei maori râ te raveraa i te one tatahi—tera te ohipa maitai roa‘e i te ao nei—no na matahiti e piti râ i mua nei aita’tu ïa e ohipa maitai roa‘e ta‘u e hinaaro i te rave maori râ te taviniraa i te hoê misioni. E ere te Ekalesia a Iesu Mesia i te Feia Mo‘a i te Mau Mahana Hopea nei te hoê haapa‘oraa faaroo e nehenehe ta oe e parau noa e e tuhaa oe no te reira ; e haapa‘oraa faaroo râ e ti‘a ia oe ia ora. Tera to‘u oraraa. Ahani e ere no te Ekalesia ua riro ïa vau e taata taa ê roa ».

Ua farii o Blake McKeown no te hoho‘a afata teata Bondi Rescue i te hoê piiraa no te tavini i te hoê misioni i te Philippines.