No roto mai i te oraraa o te peropheta Iosepha Semita

Faatupuraa i te hau e To’na mau enemi

Iritihia mai roto mai i te Mau Haapiiraa a te mau Peresideni o te Ekalesia: Iosepha Semita (Buka haapiiraa na te Autahuaraa a Melehisedeka e te Totaiete Tauturu, 2007), 388-389.

I te hoê mahana a haere atu ai te peropheta e farerei i to’na na metua i Far West, ua tomo mai te hoê pŭpŭ taata faehau na roto i te uputa.

O vai o Joe Smith i rotopu ia outou ?

Tei ô nei matou no te taparahi pohe ia’na !

Ua ti‘a oioi atu o Iosepha, ua ataata atu ia ratou, e ua aroha rima atu ia ratou.

O Iosepha vau. Oaoa vau i te farereiraa ia outou. A haere mai a parahi mai.

Ua maere te mau taata i te peropheta a tamau noa ai oia i te paraparau.

Te ti‘aturi nei matou, te mau momoni, ia Iesu Mesia e te hinaaro noa nei matou i te hau. Tera râ ua farii noa matou e rave rahi mau hamani-ino-raa i te mau ava‘e i ma‘iri mai te taime i tomo mai ai matou i Missouri. Mai te au i ta‘u i ite, aita noa’e hoê o matou i ofati i te ture. Mai te mea ua na reira matou, ua ineine matou ia haavâhia e te ture.

E mama, te mana‘o nei au e e ho‘i au i te fare. Te tia’i mai ra o Emma ia‘u.

Eiaha oe e haere o oe ana‘e, e ere i te mea papû.

E haere matou na muri ia oe no te paruru ia oe.

Mauuruuru.

Te fafau nei matou ia faaore i te nuu faehau i raro a‘e i ta matou faatereraa e ia ho‘i i te fare.

Mai te mea noa’tu e hinaaro oe ia matou, e ho‘i mai ïa matou e rave i te mea ta oe e hinaaro.

I rapae’au i te fare o te metua o Iosepha, ua aparau te toe‘a o te mau taata no ni‘a i te huru o to ratou farereiraa e te peropheta.

Aita anei oe i huru ê a aroha rima ai o Iosepha ia oe ? Aita roa vau i ite a‘e nei i teie huru mea i roto i to‘u nei oraraa.

E au ra e aita ta‘u i nehenehe e hautiuti. E ore roa vau e tuino noa’e i te hoê rouru no te upoo o taua taata ra no te taato‘araa o te ao nei.

Teie te taime hopea e ite ai outou ia‘u ia haere e taparahi ia Joe Semita e i te mau Momoni atoa.

Faahoho‘araa na Sal Velluto e Eugenio Mattozzi