Mau mana‘o tauturu no te pureraa pô utuafare

E nehenehe ia faaohipahia teie mau mana‘o tauturu no te haapiiraa i roto i te mau piha haapiiraa e i roto atoa i te utuafare. E nehenehe ta outou e faatano i teie mau mana‘o ia au i to outou utuafare aore râ i te piha haapiiraa.

« Eaha te auraa no te Taraehara no outou ? » api 14: A ani i te mau melo o te utuafare ia faaite mai i te mea ta ratou i ite no ni‘a ia Nephi. A ui e no te aha ratou i mana‘o ai e ua oaoa oia noa’tu te farii ra oia i te mau tamataraa fifi roa (a hi‘o 2 Nephi 5:27). A haapapû i te tuhaa « Te oaoaraa na roto i te Taraehara ». A tuatapapa e nahea o Nephi i te faaafaroraa i to’na mau fifi e e nahea ta’na rave‘a e nehenehe ai ia faaohipahia i roto i to outou utuafare. A faahope na roto i te tai‘oraa i na paratarafa hopea e piti o te aamu.

« Te haapiiraa e te feia mo‘a i te mau mahana hopea nei », api.26 : Na mua roa‘e, a tai‘o i te irava e a ma‘iti i te mau paratarafa faufaa rahi roa no to outou utuafare. A ani i te mau melo o te utuafare ia tai‘o i te mau paratarafa i ma‘itihia e ia aparau no ni‘a i te mea ta ratou i tai‘o. A faahope na roto i te tai‘oraa i na paratarafa hopea e piti o te aamu.

« Te fafauraa a te hoê peropheta », api H6 : I muri a‘e i te tai‘oraa i te irava, a ani i te mau melo o te utuafare ia iriti ma te hi‘o ore i ta ratou mau papa‘iraa mo‘a e ia tamata i te tai‘o hoê irava na raro atu. A aparau e nahea te tai‘oraa tamau i te papa‘iraa mo‘a e nehenehe ai e haamaitai i te melo tata‘itahi o te utuafare. A tai‘o faahou i te fafauraa ta te Peresideni Ezra Taft Benson i horo‘a (a hi‘o i te omuaraa o te aamu), e a haamau i te hoê fâ ia tamau noa i te tai‘o amuiraa i te mau papa‘iraa mo‘a.

« Anaanatae i te haapii mai », api H12 : A ani i te mau tamarii ia hauti taata ora mai i te hoê toro‘a ohipa, te tahi i muri i te tahi, ma te paraparau ore, e ia vaiiho i te tahi atu mau tamarii ia imi i te reira. A aparau e eaha ta te mau melo o te utuafare e tia ia haapii mai ia nehenehe ia ratou ia rave i taua toro‘a ohipa ra. A tai‘o i te aamu. A iriti mai te mau mea ta Russell e ti‘a ia haapii mai hou oia e nehenehe ai i te haapii mai no ni‘a i te mau moo rarahi roa. A faahope na roto i te tai‘oraa i Te Parau Haapiiraa e Te Mau Parau Fafau 88:118.