Sa mga Pulong sa mga Propeta
Usa ka Panumduman sa Pasko
Gikan sa “Gihambin nga mga Gasa,” Liahona, Dis. 2006, 3–4.
Sa balay diha sa dapit nga dili makita, ako adunay usa ka gamayng itom nga sungkod [walking stick] nga adunay imitasyon nga plata [imitation silver] nga kuptanan. Gipanag-iya kini kaniadto sa usa ka layo nga paryente. Nganong ako man kining gihipusan sulod sa panahon nga mikabat na karon og sobra sa 70 ka tuig? Adunay espesyal nga rason. Isip usa ka gamay pang bata misalmot ako sa usa ka Christmas pageant sa among ward. Aduna akoy pribelihiyo nga mahimong usa sa tulo ka Maalamong mga Tawo [Wise Men]. Uban sa usa ka bandana nga giputos sa akong ulo, ang hapin sa lingkuranan sa piano ni mama gibitay [draped] sa akong abaga, ug ang itom nga sungkod sa akong kamot, akong gipamulong ang gisangon ngari kanako nga mga linya: “Hain ba ang gianak nga Hari sa mga Judeo? kay nakita namo ang iyang bitoon didto sa sidlakan, ug nanganhi kami aron sa pagsimba kaniya” (Mateo 2:2). Klaro nakong nahinumduman ang mga pagbati sa akong kasingkasing samtang ang tulo kanamo “Maalamong mga Tawo [Wise Men]” mihangad ug nakakita sa usa ka bitoon, nga miagi sa entablado, nga nakakita ni Maria uban sa batang si Jesus, dayon miyukbo ug misimba Kaniya ug miabli sa among mga bahandi ug mipresentar sa mga gasa: bulawan, incienso, ug mirra.
Labi gayud nakong ganahan ang kamatuoran nga wala kami mobalik ngadto sa dautang si Herod aron luiban ang batang si Jesus pero misunod sa Dios ug mibiya agi sa laing dalan.
Daling milabay ang katuigan, pero ang sungkod sa Pasko [Christmas cane] nagpadayon sa paggamit og usa ka espesyal nga dapit sa akong balay; ug sa akong kasingkasing anaa ang usa ka pasalig ngadto kang Kristo.