Atong Luna
Mga Sumbanan: Usa ka Salagubangon o usa ka Panalangin?
Kadtong kinsa moingon nga ang mga sumbanan sa Simbahan mga pagdili tingali nakaila og pipila ka mga miyembro sa Simbahan kinsa miisip sa mga sumbanan nga usa ka salagubangon, dili kapuslanan sa kinabuhi. Kon kamo gusto nga ang inyong mga higala makahibalo nga ang inyong mga sumbanan makapalingkawas kaninyo gikan sa pagkaadik, nan pagpuyo og malipayon nga kinabuhi ug paningkamuti ang pagpakita sa inyong kalipay pinaagi sa himsog nga lawas, hunahuna, ug kasingkasing. Nagtudlo kita pinaagi sa ehemplo, dili pinaagi sa mga pulong lamang. Pakit-a sila sa mga panalangin sa mga sumbanan pinaagi sa inyong paggamit sa inyong kabubut-on alang sa maayong mga butang.
Patience O. (tuo), edad 19, France
Pagpangita og Higala
Ako pirme nga mituo sa gahum sa pag-ampo. Sa dihang una akong mibalhin ngadto sa Asia, kinahanglang maghulat ako og duha ka bulan aron makasugod og eskwela hangtud magsugod ang bag-ong semester. Bisan og malingaw ako sa paggahin og panahon uban sa akong pamilya, gusto ako og buotan nga higala nga adunay pareha og pagtuo kanako. Sa katapusan akong nahimamat ang akong tanang mga silingan, ug bisan ang uban sama og edad nako, dili pareha ang among mga sumbanan.
Sa dihang nakaeskwela na ko, daghan ang akong nahimamat nga mga bata nga akong kaedad ug nakaamigo. Usa niana ka higayon ang pipila ka mga higala ug ako nanihapon. Human sa panihapon ang uban sa akong mga higala mibiya, apan ang uban gustong adunay buhaton ug nakahukom nga sila mag-inom. Giimbitar nila ako, pero giingnan nako sila nga dili. Mas mibati ako nga nag-inusara. Mipauli ako nianang gabhiona ug nag-ampo nga makakita og buotan nga higala.
Paglabay sa pipila ka mga semana nanihapon ako uban sa pipila ka mga higala pag-usab, miklaro nga ako dili moinom uban kanila. Human sa panihapon ang tanan mibiya aron mag-inom gawas sa usa. Nag-istorya mi ug nahibaloan nga kami pareha og mga sumbanan—mga sumbanan nga among gihimo nga personal nga pagpili.
Ako nasayud nga ang Langitnong Amahan motubag kanunay sa mga pag-ampo.
Jordan H., edad 17, Texas, USA
Ang Akong Paborito nga Kasulatan
Matag higayon nga mahinumdom ako niini nga bersikulo, akong gipahinumduman ang akong kaugalingon nga kon ako mobuhat sa akong bahin niini nga kalibutan (nga mao ang pagsunod sa mga sugo sa Ginoo), ako pagagantihan uban sa mga gasa nga gisaad sa Ginoo kanako.
Roland D. (ibabaw), edad 17, Pangasinan, Philippines
Litrato sa mga chopstick © Getty Images; Moises ug ang mga Tableta, ni Jerry Harston © IRI