Adlaw sa Pioneer Day sa Tahiti
Ang mga Bata sa stake sa Papeete Tahiti Stake naghigugma sa mga pioneer! Nagpundok sila uban sa ilang mga ginikanan alang sa Adlaw sa Pioneer nga kalihokan sa stake nga nagpasidungog sa mga pioneer kinsa mipanaw ngadto sa Walog sa Salt Lake niadtong 1847.
Ang matag ward naghimo og karwahe sa pioneer—ang pipila hinimo sa ligid sa bisekleta ug ang uban sa karton nga mga kabayo. Ang mga bata nagmartsa sa usa ka parada, nagdula og mga pioneer game, ug nalingaw sa lamian nga pagkaon.
Ang Adlaw sa Pioneer usa usab ka espesyal nga adlaw sa paghinumdom sa mga tawo sa matag nasud kinsa midawat sa ebanghelyo ug nagtabang nga itudlo kini sa uban. Kining tanan nga mga tawo mga pioneer usab!
Kining pamilyaha adunay giparehas nga mga bonnet, mga apron, ug mga tirante sa karsones.
Kining mga batang lalaki mibira sa ilang inatupan nga karwahe sa pagparada.
Pipila sa mga babaye nagsul-ob og mga sayal ug mga bonnet sa pioneer.
Pipila sa mga batang lalaki nagkalo ug nagbandana.
Gilitratohan ni Michael Moody