Journal sa Pagpuasa

Renee Harding, North Carolina, USA

Ang pagpuasa sa una lisud alang kanako—hangtud nga nagsugod ko sa paghimo og journal sa pagpuasa. Karon, sa dili pa ko magsugod kada puasa, akong isulat ang piho nga katuyoan alang sa akong pagpuasa. Pananglitan, mahimong akong isulat, “Tungod kay gikulbaan ko pag-ayo kabahin sa akong bag-ong calling isip adviser sa Beehive, nagpuasa ug nag-ampo ko nga ang Ginoo mopalanangin nga ako mahimong kalma, masaligon, ug andam ugma inig tudlo nako sa unang leksyon.”

Sa tibuok panahon sa akong pagpuasa, akong isulat ang adunay importante nga mga butang nga mahitabo; mga panghunahuna, mga pagbati, ug mga impresyon nga mahunahunaan ug mabati; ug mga pakisayran sa kasulatan nga may kalabutan gayud sa katuyoan sa akong pagpuasa.

Samtang akong ipakigbahin ang akong mga tinguha uban sa Langitnong Amahan, Siya sa kanunay mopanalangin kanako sa mga paagi nga dili nako mahunahunaan. Kadtong mora og sulagma lang nga mga panghitabo sa akong kinabuhi klaro nga masumpay-sumpay kon kini akong isulat ug makita sa unsang paagi kining tanan nakatabang sa akong pagtubo ug paglambo. Sukad niadtong 1996, sa dihang una kong nagsugod sa paghimo og journal sa pagpuasa, akong nakita kon sa unsang paagi nga ang Langitnong Amahan mipanalangin sa akong kinabuhi. Mopamatuod ko sa talagsaong espirituhanong gahum sa pagpuasa ug pag-ampo ug ikonsiderar ang pagpuasa isip oportunidad sa “paglipay ug pag-ampo” (D&P 59:14).