Ngadto sa Tibuok Kalibutan
Mga Young Adult Kinahanglan Mamahimong Labing Maayo nga Henerasyon, Miingon si Elder Perry
“Akong nakita ang makapadasig nga espirituhanon nga gahum sa mga young adult niining Simbahan,” si Elder L. Tom Perry sa Korum sa Napulog Duha ka mga Apostoles miingon diha sa usa ka sibya nga fireside sa Church Educational System alang sa mga young adult niadtong Marso 6, 2011. “Nakahibalo ako sa inyong kapasidad.”
Siya mitudlo sa upat ka mga butang nga motabang sa mga young adult nga makatuman sa ilang potensyal ug motabang sa uban nga mabalik ang ilang hugot nga pagtuo diha kang Kristo: inadlaw nga pag-ampo, inadlaw nga pagtuon sa kasulatan, katakus alang sa templo, ug inadlawnga buhat sa pagserbisyo.
“Kamo ang henerasyon nga gitagana sa Ginoo alang niining adlawa. … Ako mohagit kaninyo nga mamahimo nga ‘ang labing maayo nga henerasyon,’” matud ni Elder Perry.
Basaha, paminaw sa, o tan-awa ang mga pakigpulong sa nagkalainlaing mga pinulongan sa institute.lds.org. i-Klik sa CES Firesides, dayon pilia ang pinulongan.
Ang Ebanghelyo Naghatag og Hingpit nga Kalipay, si Elder Cook Misulti sa mga Asyano nga mga Santos
Gikan sa Pebrero 12 hangtud 20, 2011, si Elder Quentin L. Cook sa Korum sa Napulog Duha ka mga Apostoles mibisita sa mga Santos didto sa Korea ug Japan.
Siya nagtudlo sa mga miyembro sa Simbahan didto sa Seoul, Korea, nga kita angay magmapasalamaton sa unsay anaa kanato kay sa mag-focus sa unsay wala nato. Siya mipahinumdom kanila nga ang ebanghelyo maghatag og hingpit nga kalipay, kamaya, ug kalinaw nga gitinguha natong tanan.
Si Elder Cook nakighimamat usab sa mga journalista gikan sa pipila ka mga pamantalaan alang sa usa ka sesyon sa pagpangutana-ug-tubag.
Si Elder Cook migahin og panahon sa pagtudlo, pagtambag, ug pagtubag sa mga pangutana sa mga misyonaryo didto sa Korea Daejeon Mission ug misalmot sa usa ka komperensya sa pagpangulo sa priesthood alang sa area sa Korea Daejeon Mission.
Ang pagbisita ni Elder Cook natapos pinaagi sa pagsalmot sa komperensya sa stake nga gipahigayon sa Cheongju Korea Stake, ang unang higayon sa stake nga nabisitahan og Apostol.
Si Elder Cook usab misalmot sa komperensya sa pagpangulo sa priesthood didto sa Kobe, Japan, ug sa komperensya sa Okayama Japan Stake; mibisita inubanan sa mga representanti gikan sa Meiji Shrine sa Tokyo, Japan; ug mihimo og mubo nga pagbisita ngadto sa Vietnam.
Ang Balaod Nagtugot Kanato sa Pagkab-ot sa Atong Potensyal, Miingon si Elder Christofferson
“Ang Dios midelegar kanato, sa Iyang mga anak, ang kahigayunan ug responsibilidad sa pag-istablisar sa mga balaod ug legal nga mga sistema sa pagdumala sa tawhanong mga relasyon ug gawi,” si Elder D. Todd Christofferson sa Korum sa Napulog Duha ka mga Apostoles miingon diha sa usa ka pakigpulong ngadto sa mga sakop sa J. Reuben Clark Law Society niadtong Pebrero 4. Siya namulong kabahin sa tahas nianang balaod nga nakapahimo sa mga indibidwal nga makakab-ot sa hingpit nga potensyal niining kinabuhi ug sa sunod.
Si Elder Christofferson mipahinumdum sa mga nanambong nga “dili nato makab-ot ang katapusang hustisya kon dili gumikan ni Jesukristo,” ug nga “ang atong paggiya sa uban ngadto kang Jesukristo maoy labing maayo nga atong mabuhat nga matabangan sila nga mamahimong unsay angay kanila.” Mipamatuod siya sa gahum sa Manluluwas sa paghusto sa mga sayop ug aron “mabayran ang atong mga kalulangan ug kaangayan sa atubangan sa balaod nga nakapahimo kanato nga mamahimong manununod sa kinabuhing dayon uban Kaniya.” Mitapus siya uban sa iyang pagsaksi nga si Kristo buhi.
Atol usab sa fireside, si Elder Christofferson gigantihan sa J. Reuben Clark Law Society Distinguished Service Award alang sa iyang natampo sa natad sa balaod.
Si Sister Beck Mihatag og Gibug-aton sa Tahas sa Relief Society diha sa Plano sa Dios
Ang kinatibuk-ang presidente sa Relief Society nga si Julie B. Beck nakighimamat sa dul-an 10,000 ka mga sister sa Relief Society ug mga lider didto sa BYU–Idaho campus niadtong Pebrero 26, 2011, aron sa pagpalig-on sa ilang hugot nga pagtuo ug aron sa pagdasig kanila sa ilang mga tahas diha sa Relief Society ug sa plano sa kaluwasan.
Sa usa ka kinatibuk-ang sesyon ug sesyon sa pagbansay sa pagpangulo, si Sister Beck mitubag sa mga pangutana sa mga kababayen-an ug sa mga priesthood leader gikan sa kapin 40 ka mga stake, sa habagatang sidlakan sa Idaho, USA.
Si Sister Beck mipamatuod nga sa kadtong mga naapil sa buluhaton sa Relief Society mihupot sa katuyoan sa Ginoo sa ilang mga ulo ug sa ilang mga kasingkasing ug mituman sa Iyang mga katuyoan dinhi sa yuta, sila mapanalanginan, malig-on, malimpyo, ug mamaayo.
“Kita nakabaton sa organisasyon nga gitukod sa Ginoo aron sa pagpanalangin sa Iyang mga anak nga mga babaye,” siya miigon. “Ang Ginoo nakahibalo kinsa kamo tungod kay mao kini ang Iyang buhat. Siya mopalig-on ug mopalambo kaninyo.”
Dugang og basa sa unsay gitudlo ni Sister Beck ug tan-awa ang video sa news.lds.org. (Ang video ug texto anaa sa Iningles lang.)
Atol sa iyang byahe ngadto sa South Korea, si Elder Quentin L. Cook mipahinumdom sa mga Santos sa Ulahing mga adlaw nga ang ebanghelyo naghatag og hingpit nga kalipay ug kalinaw nga atong gitinguha. Dugang nga mga litrato anna sa news.lds.org.
Gilitratohan ni geon woo jun