Ko ʻEtau Pēsí
Nasita L., taʻu 12, ʻIukuleini
Tina M., taʻu 10, Kongikou
Naʻe Fakamāfanaʻi ʻe he Laumālié Hoku Lotó
ʻOku ou saiʻia he ʻalu ki he lotú. ʻOku ou ongoʻi ai e Laumālié. ʻI ha ʻaho ʻe taha he Palaimelí ne mau talanoa ai ki he kau palōfita ʻo onopōní. Pea kimui aí ne u sio he faiva ko e Tukufakaholó ʻi ʻapi, pea ne u saiʻia he talanoa ʻo e Palōfita ko Siosefa Sāmitá. Naʻá ku fuʻu ongoʻi loto-mamahi he konga ko ia naʻe haʻu ai ha tangata ʻo fakahā mai e ongoongo ko ia kuo mālōlō e Palōfitá. Pea naʻe hanga ʻe he Laumālié ʻo fakamāfanaʻi hoku lotó, pea ne u ongoʻi ko e moʻoni ko ha palōfita ʻa e ʻOtuá ʻa Siosefa Sāmita pea naʻá ne toe fakafoki mai ʻa e Siasi moʻoní.
Naʻá ku ʻi he temipale ʻi Kuaeakuila, ʻi ʻEkuatoa ʻi Sānuali mo ha kau mēmipa tokolahi ʻo hoku fāmilí. Naʻá ku ongoʻi moʻoni ʻa e nongá mo e fiefiá pea ʻikai ke u fie foki au ki ʻapi he taimi ke mau foki aí.
ʻOku ou ʻilo ʻoku moʻui pea ʻofa e Tamai Hēvaní ʻiate kitautolu, pea ko Sīsū pē ʻa e hala ke foki ai kiate Iá, pea ko Siosefa Sāmitá ko ha palōfita.
ʻĒlone C., taʻu 10, Kolomupia
ʻOku ou Fiefia he Totongi Vahehongofulú
ʻOku ou tokoni ki heʻeku tangataʻeikí ke fakamaʻa homau falé, pea maʻu he māhina kotoa pē ha paʻanga ki he tokoni ko iá. ʻOku ʻikai ke u fakamoleki kotoa ʻeku paʻangá, ʻoku toʻo ha peseti ʻe 10 ki he vahehongofulú ʻo ʻave ia ki he pīsopé. ʻOku ou ongoʻi fiefia hili hono totongi ʻeku vahehongofulú he ʻoku ou ʻilo ʻoku tokoni e paʻangá ki hono tauhi ʻo e falelotú mo fakatau mai e ʻū tohi mo e ngaahi nāunau kehé. ʻOku ou ʻilo naʻe foaki mai ʻe Sīsū Kalaisi ʻa e meʻa kotoa pē kiate kitautolu, ka ʻi heʻetau totongi vahehongofulú, ʻoku tau fakafoki ia kiate Ia. ʻOku ou fiefia ʻi heʻeku totongi ʻeku vahehongofulú.
Nikolasi P., taʻu 5, Palāsila
ʻOku ou saiʻia he ʻalu ki he temipalé, pea ʻoku ʻikai ke u faʻa tatali ke hoko hoku taʻu 12 ka u lava ke maʻu e lakanga fakataulaʻeikí pea ʻalu ki he temipalé ʻo fakahoko e papitaisó maʻá e kau pekiá.
Hūpeto V., taʻu 11, Mekisikou