Ko ha Folofola Fakalaumālie

Hena M., Filipaini

Ko e taimi kotoa pē naʻe loto ʻeku faʻeé ke fai kiate kimautolu ha pōpoaki fakalaumālie mei he folofolá, te ne lau ʻa e ʻAlamā 37:37. Naʻe tuʻo lahi ʻene vahevahe iá pea ko e taimi pē ʻokú ne kamata lau ai iá, ʻoku mau lau fakataha atu pē mo ia he kuo mau maʻuloto ia.

Ne u faʻa fifili pe ko e hā ʻokú ne toutou vahevahe ai ia mo kimautolú—ʻio, ʻoku ou ʻosi ʻilo kuo pau ke mau lotu pea fakamālō ʻi heʻemau moʻui fakaʻahó. Ka ko e meʻa naʻe ongo taha ki hoku lotó ʻa e taimi ko ia ne u toki ʻiloʻi ai naʻe loto ʻemau faʻeé ke ʻoua naʻa teitei ngalo ʻiate kimautolu ʻoku ʻafioʻi maʻu pē kitautolu ʻe he Tamai Hēvaní mo Sīsū Kalaisi.

Ko e taimi kotoa pē ʻoku ʻahiʻahiʻi pe ʻoku ou faingataʻaʻia ai, ʻoku ʻikai ke ngalo ʻiate au ke lau e potu folofola ko iá. ʻOku ou manatuʻi maʻu pē ʻa e ʻofa lahi ʻa e Tamai Hēvaní mo Sīsū Kalaisí. ʻOku fie maʻu ke u fakamālō koeʻuhí ko hoku ngaahi tāpuakí kotoa. ʻOku ou manatuʻi maʻu pē hono hanga heʻeku faʻeé ʻo liliu ʻeku fakakaukau fekauʻaki mo e lotú mo e loto houngaʻia ʻi he taimi ʻo e faingataʻá.