ʻOku ʻi ai nai ha laumālie ʻo e fanga monumanú? Ko e hā e meʻa ʻoku hoko kiate kinautolu hili ʻenau maté?

ʻIo, ʻoku ʻi ai e laumālie ʻo e fanga monumanú (vakai, T&F 77:2–3). Ko e moʻoni ʻoku ʻi ai e faikehekehe lahi e laumālie ʻo e fanga manú mo hotau laumālié—ko kitautolu ia ko e ngaahi foha mo e ngaahi ʻofefine ʻo e Tamai Hēvaní naʻe fakatupú, ka ʻoku ʻikai pehē kinautolu ia.

Pea fakatatau ki he Palōfita ko Siosefa Sāmitá, ʻoku ʻi ai ha fanga monumanu ʻi he langí. Naʻá ne pehē:

[“Na’e mamata ‘a Sione ki he fanga manu ngali kehe ‘i he langí; … ne nau ‘i ai tonu pē mo fakafetaʻi ki he ‘Otuá. … ](Vakai, Fakahā 5:13.) …

“ʻOku ou tui naʻe mamata ‘a Sione ki ha ngaahi meʻa moʻui ‘i ha fōtunga ‘e tahaafe, naʻe fakahaofi liunga tahamano mei ha māmani ‘e taha mano hangē ko ‘ení,—ngaahi monumanu faikehe ‘oku ‘ikai haʻatau ‘ilo ki ai: ka ‘e lava ke mamata kotoa ki ai ʻi langi. Naʻe ʻilo ‘e Sione naʻe hanga pē ‘e he ‘Otuá ‘o hakeakiʻi Ia ʻaki hono fakahaofi e meʻa kotoa pē naʻe fakatupu ‘e Hono toʻukupú, ʻo tatau ai pē pe ko e fanga monumanu, manupuna, ika pe faʻahinga ‘o e tangatá; pea te Ne hakeakiʻi Ia fakataha mo kinautolu” (ʻi he History of the Church, 5:343).

Pea neongo ʻoku ʻikai ke tau maʻu ha mahino kakato ki he meʻa ʻoku hoko ki he fanga monumanú hili ʻenau maté, ka ʻoku tau tui te nau fiefia ʻi ha faʻahinga fakamoʻui mo ha moʻui taʻe-faʻa-mate.