Kiʻi Tohi Fakamatala ʻo e Konifelenisi ʻo ʻOkatopá
“ʻIlonga ha meʻa kuó u lea ʻaki ʻe au ko e ʻEikí, kuó u lea ʻaki ia; … neongo pē ko e fai ia ʻi hoku leʻo pē ʻoʻokú pe ʻi he leʻo ʻo ʻeku kau tamaioʻeikí, ʻoku tatau ai pē” (T&F 1:38).
ʻI hoʻomou ako ko ia ʻa e konifelenisi lahi ʻo ʻOkatopa 2011, ʻe lava ke ke fakaʻaongaʻi ʻa e ngaahi pēsí ni (mo e ngaahi Tohi Fakamatala Konifelenisi ʻi he ngaahi pulusinga he kahaʻú) ke tokoni atu ki hoʻo ako mo fakaʻaongaʻi ʻa e ngaahi akonaki fakamuimuitaha ʻa e kau palōfita mo e kau ʻaposetolo moʻuí.
Ko ha Talaʻofa Fakaepalōfita
“Ko hoʻo ako pē ʻa e ngaahi tokāteline mo e ngaahi tefitoʻi moʻoni ʻo e uelofea ʻa e Siasí, feinga leva ke ke fakaʻaongaʻi e meʻa naʻá ke akó ki he ngaahi fie maʻu ʻanautolu ʻokú ke tauhí. ʻOku ʻuhinga ʻeni, ko hono konga lahi ʻe fie maʻu ke ke fakakaukau ʻi pē ia ʻe koe. …
“… Kuo pau ke ke fakahoko ʻi homou feituʻú ʻa e meʻa kuo fai ʻe he kau ʻākonga ʻa Kalaisí ʻi he toʻu tangata kotoa pē: mou fealea-ʻaki, fakaʻaongaʻi e ngaahi maʻuʻanga tokoni kotoa pē ʻe maʻú, fekumi ki he ueʻi ʻa e Laumālie Māʻoniʻoní, kole ki he ʻEikí ke Ne fakapapauʻi mai, teuteu pea fai e ngāué.
“ʻOku ou palōmesi atu: kapau te mou muimui ʻi he sīpinga ko ʻení, te mou maʻu ha fakahinohino pau kau ki he ko hai, ko e hā, ko e fē taimi, mo e feituʻu ke tokoni ai ʻi he founga ʻa e ʻEikí.”
Palesiteni Dieter F. Uchtdorf, Tokoni Ua ʻi he Kau Palesitenisī ʻUluakí, “Tokoniʻi ʻi he Founga ʻa e ʻEikí,” Liahona, Nōv. 2011, 55.
ʻOfeina
“ʻOku ʻofeina kitautolu ʻe he ʻEikí ʻo mahulu ange ʻi he meʻa ʻoku malava ke mahino kiate kitautolú pe te tau fakakaukau ki aí. Tau feinga ke feangaʻofaʻaki pea angaʻofa ange kiate kitautolu.”
ʻEletā Robert D. Hales ʻo e Kōlomu ʻo e Kau ʻAposetolo ʻe Toko Hongofulu Mā Uá, “Ko e Tatali ki he ʻEikí: Ke Fai pē Ho Finangaló,” Liahona, Nōv. 2011, 73.
ʻOku Fakaafeʻi atu Koe
“ʻOku ou fakaafeʻi
ʻA hai: “ʻa e toʻu tupu ʻo e Siasí
Ke hā: “ke mou ako mo maʻu e Laumālie ʻo ʻIlaisiaá.
Ha e foungá: “ʻOku ou poupou atu ke mou ako, fekumi ki hoʻomou ngaahi kuí, pea teuteuʻi kimoutolu ke fai ʻa e papitaiso fakafofonga ʻi he fale ʻo e ʻEikí maʻa hoʻomou ngaahi kui kuo pekiá.”
ʻEletā David A. Bednar ʻo e Kōlomu ʻo e Kōlomu ʻo e Kau ʻAposetolo ʻe Toko Hongofulu Mā Uá, “ʻE Liliu ʻa e Loto ʻo e Fānaú,” Liahona, Nōv. 2011, 26.
Tā fakatātā ʻa Taia Morley; tā ʻo e ʻoua-naʻa-ngalo-aú fai ʻe Bret Dalton; ngaahi tā kehé fai ʻe Robert Casey