Ko ʻEtau Tafaʻakí
Naʻá ku faitaaʻi e tā ko ʻení ʻo e Temipale Lonitoni ʻIngilaní he taimi naʻe ʻalu ki ai hoku fāmilí ke maʻu e ʻenitaumeni hoku taʻoketé kimuʻa pea ʻalu ʻo ngāue fakafaifekaú. Naʻá ku fuʻu fiefia ke sio ki he hū hoku taʻoketé he temipalé.
Lolotonga ʻenau ʻi he temipalé, ne u lue takai holo he ngoué, ʻo nofotaha ʻeku fakakaukaú he Tamai Hēvaní. ʻOku ʻikai ke ke toki ongoʻi ofi pē ki he ʻEikí ʻi he loto temipalé. Ne u fakakaukau ki he fakaʻofoʻofa e fale ʻo e ʻEikí pea mo e ʻikai ke u faʻa tatali ke aʻu ki he ʻaho te u maʻu ai e ngaahi tāpuaki ʻo e temipalé.
Ko ha fakamoʻoni mālohi ne u aʻusia he mamata ki he fiefia he fofonga hoku taʻoketé ʻi heʻene hū mai mei he temipalé. Naʻá ku ongoʻi ʻene ʻofa ki he Fakamoʻuí pea lava ke tala ko e ngaahi tāpuaki ʻo e temipalé ʻoku makehe ia ʻi ha toe meʻa.
ʻOku fakamanatu mai kiate au ʻe he fakatātā matuʻaki fakaʻofoʻofá ni ʻa e ʻaho makehe ko ʻení pea tokoni ke u tokanga taha ki hono fai ʻa e meʻa ʻoku totonú. Naʻá ku fakaʻesia e taá ʻo tautau ia ʻi hoku loki mohé ke ne toutou fakamanatu kiate au ʻa e mahuʻinga ʻo e moʻui tāú koeʻuhí ke ʻi ai ha ʻaho te u hū ai ʻi he fale ʻo e ʻEikí pea maʻu hoku ʻenitaumení.
Naʻá ku fakahū e laʻi taá ki heʻeku peesi he Facebook, pea kuo lahi e ngaahi fakamatala lelei kuó u maʻu mei he niʻihi kehé. ʻOku saiʻia e taha kotoa pē ʻoku sio he tā ko ʻení, pea ʻokú ne ʻomi ha ngaahi faingamālie ke fakahā ki he kakaí e ongoongoleleí.
ʻEmelī M., ʻIngilani