O Le Faamanuiaga a Tana

Saunia e Jane McBride Choate

E faavae i se tala moni

1. Sa fanau mai Tana ma se pu i ona laugutu ma totonu o lona gutu (tulou). Ua uma ni ona taotoga se fa e taumafai ai e faaleleia. O ananei sa atofaina ai se feiloaiga a Tana ma ona matua ma le fomai e talanoa ai e uiga i se isi taotoga.

   I le taimi o le taotoga, o le a matou aumaia ai se vaega o le ponaivi mai lou puimanava e faaaoga i lou gutu.

2. Sa popole Tana i le mea e ono tulai mai pe a uma le taotoga.

   E mafai a la ona inu sa’u susu sukalati?

   A pe ma lelei lou gutu, ona mafai lea ona e inuina uma susu sukalati e te manao ai.

3. O le po a o lumanai le taotoga, sa fai ai e le tama o Tana ma se tamaloa o lona aiga sona faamanuiaga faaleperisitua. O Uncle Ailama sa faauuina Tana i le suauu paia. Ona fai lea e Tama le faamanuiaga.

   Ou te faamanuia ia te oe ia o le a malosi lou tino ma o le a vave ona manuia pe a uma le taotoga. Ia manatua e alolofa tele ou matua ma lou Tama Faalelagi ia te oe.

4. O le taeao na sosoo ai, sa o ai Tina ma Tama e ave Tana i le falemai.

5. Sa sau le tausi soifua e avatu Tana i le potu e fai ai taotoga. Sa fusi e Tana ia Tina.

   Ou te alofa ia te oe, Tana.

   Aua le popole Tina. Ou te le o fefe. Sa tuuina mai e Tama lo’u faamanuiaga.

6. Ina ua uma le taotoga sa manuia Tana. Sa fiafia ona sa mafai e Tama ona tuu atu ia te ia se faamanuiaga faapitoa e fesoasoani ai ia ona maua ni lagona lelei.

Ata na tusia e Scott Peck