I Luga o le Uepi

Ua Fesoasoani Saite ua Faaleleia i Alii Talavou i le Faataunuuina o o Latou Tiute i le Atua

Ua toe faafou le uepisaite o le Tiute i le Atua (DutytoGod.lds.org) ma ua avea nei ma se punaoa fesootai i le initoneti lea e matua lelei lava e fesoasoani ai i alii talavou e fatu ai, siaki, ma sefe o latou alualu i luma i le polokalama o le Tiute i le Atua.

Ua mafai nei e tiakono, aoao, ma ositaulaga ona matamata i le tusi atoa o le Faataunuuina o Lo’u Tiute i le Atua: Mo e Umia le Perisitua Arona i luga o le initoneti i gagana e 50, ma o le saini i totonu e faaaoga ai le latou Faitotoa a le AAG, e mafai ai ona latou fatuina ni faamatalaga i luga o tusi o talaaga e faamaumau ai lo latou alualu i luma i le polokalama. O loo aofia ai foi i lenei tamaitusi atoa o loo i luga o le initoneti ia gaoioiga uma e aoao ai ma sootaga i mau ma isi punaoa.

Faalauaitele le Saite a le Autalavou mo Musika Ofo Fua Mai

Ua faalauaitele le vaega o musika a le youth.lds.org e ofo fua mai ai, musika ma pese e sii mai mai tagata pepese o ona po nei mai le vaega faasalalau ua mavae o le Faapitoa lava mo le Autalavou (FMA). O faaopoopoga na amataina ia Fepuari, ma o se aofaiga o pese e 30 o le a faaopoopo i le saoasaoa o le tasi le pese i le vaiaso.

O loo maua le saite i le gagana Peretania, Potukale, ma le Sipaniolo, ma o loo faagasolo fuafuaga e saunia ai nisi pese i le gagana Potukale ma le Sipaniolo. O le taimi nei, e tasi le pese o loo i luga o le saite—Jenny Phillips’s “Strong and Courageous”—ma o loo maua i le gagana Potukale ma le Sipaniolo.