Ou Te Filifili le Mea Sa’o e ala i le Ola Ai i Mataupu Faavae o le Talalelei

E mafai ona e faaaogaina le lesona ma le gaoioiga lenei e aoao atili ai e uiga i le autu o le Peraimeri i le masina lenei.

Sa faatatagi e Lamoni ia siliva sa i totonu o lana taga ina ua uma ona ia faatauina atu fuamoa o ana moa i le maketi a le nuu. Sa mafaufau o ia i le fagu o loo i le fale o loo i ai ana sene o le sefuluai. O le Aso Sa, o le a ia aveina atu ia sene i le epikopo. Sa oo atu se lagona mafanafana i le loto o Lamoni. Sa fiafia o ia e totogi le sefuluai.

Sa tumu laulau i le maketi i mea e faatau atu. Sa vaai Lamoni i se mitiafu felanulanuai sa i ai le igoa o le au soka e sili ona fiafia i ai. Sa ia vaaifaalemafaufau i lona ofuina o le mitiafu, momoe ane i le malae, ma le sikoaina o le sikoa malo. Sa tilotilo Lamoni i le tau sa pipii ai. E mafai ona ia faatauina mai le mitiafu pe a ia faaaogaina uma le tupe o ana fuamoa faapea ma sene o lana sefuluai.

Sa matauina e Lamoni ua aluese atu le lagona mafanafana. Sa matuai manao lava i le mitiafu, ae sa ia iloa e le finagalo le Tama Faalelagi na te faaaogaina ana sene o le sefuluai. Sa amata ona savalivali atu Lamoni i le fale. Sa filifili o ia e totogi muamua lana sefuluai. Ona ia teuina lea o nisi tupe i le faatauina atu o fuamoa seia oo ina mafai ona ia faatauina mai le mitiafu ma totogi lana sefuluai e pei ona finagalo ai le Alii ia te ia.