O Loo Faailoa atu i le Prophets.LDS.org ia Talaaga Fou o Soifuaga o Aposetolo Soifua

Na amata faalauiloa atu ia Fepuari ia tala fou o soifuaga o le Korama a Aposetolo i le prophets.lds.org, i lalo o le ulutala “Meet today’s prophets and apostles [Feiloai i perofeta ma aposetolo o aso nei].” Na maua tala o soifuaga o le Au Peresitene Sili i luga o le saite talu mai Oketopa 2011. O le a faaliliuina ia tala o soifuaga i gagana e tele i le faagasologa o le tausaga pe a maua ia punaoa. O le tele lava o faamatalaga na muai lolomiina i le Liahona i gagana eseese.

“O le iloaina o taimi na latou talavou ai, tausaga aoga, olaga faaleaiga, ma galuega ao le i valaauina i o latou tofi faaaposetolo o le a fesoasoani ia i tatou e iloa ai le aao o le Alii i o latou soifuaga ma o le a avea foi o se isi molimau o le auala na Ia valaauina ai ma faalautele ia alii ma tamaitai le taualoa e auauna atu i le malo,” o le faamatalaga lea a Elder Paul B. Pieper o le Fitugafulu. O le a aofia ai i tala o soifuaga ni faamatalaga ma ni tala o soifuaga o taitai taitasi, ae o le mea sili lava, o le a latou faaalia mai le auala na saunia ai i latou e le Alii e auauna atu.