I le Aoao o le Ekalesia
Ua Toe Faafou e Mamona Lima Fesoasoani le A’oga Faaitumalo i Macapá, Pasila
Pe a ma le 50 tagata volenitia o Mamona Lima Fesoasoani—e aofia ai tagata o le Ekalesia, a latou uo, ma faifeautalai o le Au Paia o Aso e Gata Ai—na potopoto faatasi i le Aso Toonai, 21 Ianuari, 2012, e fesoasoani e tapena mama, ma vele ese ia vao, po o i se isi foi itu o le toe faafou o Maria Ivone de Menezes, o se a’oga faaitumalo i Macapá, Pasila.
O le gaoioiga, na faamaopoopoina e taitai o le aoga ma faatulagaina e le faatonusili o mataupu tau i le va i fafo o le Itu o Amapá Macapá Pasila o, Kleber Sainz, ma na faailoa ma faasalalauina e nisi o le au faasalalau i le lotoifale. Na fesoasoani le faatonusili o le aoga o, Adelia Danin, i le galuega faatino. “Sa faafiafiaina i matou i le sao agalelei na tuuina mai [e le Ekalesia] ia i matou,” na ia fai mai ai. “O le a le galo lava lea mea ia i matou.”
Ua Lolomi le Tusi Fusitolu Fou i le Gagana Rusia
Ua maua nei i le gagana Rusia le tusi fusitolu fou o tusitusiga paia o loo aofia ai le Tusi a Mamona, le Mataupu Faavae ma Feagaiga, ma le Penina Tau Tele ua tuufaatasia i se tusi e tasi.
O loo maua le tusi fou mai faletusi autu a le Ekalesia i le lotoifale i le taimi lava lenei, mai le store.lds.org, i luga o le initoneti i le scriptures.lds.org, ma le polokalama o Potutusi feaveai a le Ekalesia. O lenei lomiga ua oo atu ai le aofai o gagana ua lolomiina ai le tusi fusitolu i le 44.
E toa 50 tagata volenitia o Mamona Lima Fesoasoani na galulue i le Aso Toonai, 21 Ianuari, 2012, e tapena mama, ma vele ese ia vao, ma toe faafou le a’oga faaitumalo o Maria Ivone de Menezes i Macapá, Pasila.
Ata na pueina e Michelle Sá, mataupu tau i le va i fafo a le Itu o Amapá Macapá Pasila