Ang Akong Unang Calling sa Simbahan

Nagsimbahan ko uban sa akong pamilya sa usa ka branch sa Frankfurt, Germany. Kami napanalanginan og daghang talagsaon nga mga tawo sa among gamay nga branch. Ang usa niini mao ang among presidente sa branch, si Brother Landschulz. …

Usa ka Dominggo, si Presidente Landschulz mihangyo nga makig-istorya siya kanako. …

[Iya] kong gidala sa gamay nga klasehanan—ang among chapel walay opisina alang sa presidente sa branch—ug didto gitawag ko niya nga mahimong presidente sa deacons quorum.

“Importante kini nga katungdanan,” miingon siya, ug dayon migahin og panahon ug mihulagway kon ngano. Iyang gipasabut unsay gipaabut niya ug sa Ginoo gikan nako ug sa unsang paagi ako makadawat og tabang.

Wala kaayo ko kahinumdon sa iyang gipangsulti, apan nakahinumdon ko sa akong gibati. Akong nabati ang sagrado, balaanong Espiritu samtang siya nagsulti. Akong nabati nga kini ang Simbahan sa Manluluwas. Ug akong gibati nga ang calling nga iyang gi-extend dinasig gikan sa Espiritu Santo. Nakahinumdom ko nga migawas sa gamayng klasehanan mibati nga mas milambo og gamay. …

… Mibati ko nga napasidunggan, ug gusto kong moserbisyo kutob sa akong mahimo ug dili pakyason ang akong presidente sa branch o ang Ginoo.

Nakaamgo ko karon nga mahimo ra nga sultihan ko og diretso sa presidente sa branch sa dihang iya kong gitawag. Mahimong sultihan ra ko niya diha sa hallway o sa miting sa priesthood nga ako ang bag-ong presidente sa deacons quorom.

Hinoon, migahin siya og panahon ug mitabang nako nga makasabut dili lamang sa unsa ang akong buluhaton apan, labaw sa tanan, kon ngano. …

… Usa kini ka panig-ingnan alang kanako sa makadasig nga gahum sa pagpangulo sa priesthood nga makapaawhag sa espiritu ug makapaagni og aksyon.

Presidente Dieter F. Uchtdorf, Ikaduhang Magtatambag sa Unang Kapangulohan, “Ang Ngano sa Priesthood nga Pagserbisyo,” Liahona, Mayo 2012, 58.

Mga pangutana nga angayang Palandungon:

Sa unsang paagi ang pagdawat og mga calling sa Simbahan makapalig-on kaninyo ug sa inyong giserbisyohan?
Unsa ang inyong mahimo sa pagpangandam sa pagdawat og calling sa Simbahan, bisan kon kamo nagkapuliki?

Ikonsiderar sa pagsulat sa inyong mga hunahuna sa inyong journal o hisguti kini ngadto sa uban.