Komentaryo
Pinaagi sa Gagmay ug Yano nga mga Butang
Ang akong anak nga lalaki nga si Taylor (Elder Mulford) nagserbisyo og misyon sa isla sa Bora Bora sa Tahiti. Iya akong gisultihan sa dili pa lang dugay nga ang presidente sa stake mianha sa Bora Bora ug gisultihan ang mga misyonaryo mahitungod sa giunsa niya pagbisita ang usa ka barbero, nga miyembro, aron sa pagpatupi. Gipangutana niya ang barbero ngano nga walay Liahona nga magasin sama sa uban nga iyang ipabasa sa mga magpatupi. Misaad ang barbero kaniya nga sa sunod niyang pag-anha, aduna nay mga Liahona didto. Apan, sa sunod higayon nga ang presidente sa stake miadto sa barbero, gihapon walay mga Liahona. Nasagmuyo, gipangutana niya ang barbero kon ngano. Gipasabut sa barbero nga sa matag higayon nga magbutang siya og Liahona sa gawas, adunay usa ka tawo nga mobasa niini, mangutana kaniya og daghang mga pangutana, ug dayon mohangyo kon mahimo bang iyahon na ang magasin. Ang barbero miingon nga siya wala nay mga magasin nga ikahatag, apan midugang siya nga daghan sa mga tawo kinsa midala sa mga magasin gitudloan sa misyonaryo.
Makahunahuna ba kamo unsa kaha ang mahitabo kon ang kada doktor, dentista, ug barbero diha sa Simbahan mobutang og diyutay nga mga magasin sa Simbahan sa iyang lawak hulatanan? Ang Simbahan nag-uswag tungod sa gagmay ug yanong mga butang nga gibuhat sa mga miyembro.
Burdell Mulford, Utah, USA
Palihug ipadala ang inyong ikasulti o mga sugyot ngadto sa liahona@ldschurch.org. Ang mga gisumiter mahimo nga i-edit alang sa gitas-on o sa pagklaro.