Usahay pangutan-on ko sa mga tawo mahitungod sa temple garments, usahay sa yaga-yaga nga pagkasulti. Unsay akong isulti kanila?

Una sa tanan, kon magyaga-yaga ang mga tawo kabahin sa temple garments, angay gayud nga imo silang hangyoon sa pagpakita og dugang nga pagtahud, tungod kay ang mga garment sagrado alang kanato.

Usab, mahimo nimong ipasabut nga ang mga sakop ug mga lider sa daghang relihiyusong pundok magsul-ob og piho nga mga saput sa pagrepresentar sa ilang personal nga pagtuo o sa opisyal nilang responsibilidad, busa ang kamatuoran nga ang atong relihiyon naglakip sa espesyal nga saput dili gayud kahibudngan.

Sa pagpasabut sa kahulugan sa temple garments, mahimo kang moingon nga kini usa ka yano, tarung nga saput pang-ilawum nga ihatag sa hingkod na nga mga miyembro sa Simbahan isip kabahin sa espesyal nga seremonyas sa atong mga templo. Niini nga mga seremonyas, kita mismo nakigsaad nga magkinabuhi sa unsay gusto ni Jesukristo nato nga pagpakabuhi, ug ang garments maoy padayong pahinumdom niining personal, espirituhanong pasalig. Niini nga paagi, ang garments makapanalipod kanato batok sa mga tintasyon ug sa dautan.