Anaa sa mga Balita
Gibag-ong mga LDS Map Nagtabang sa mga Miyembro sa Pagpangita sa mga Nahimutangan sa Simbahan
Usa ka bag-ong bersyon sa mga LDS Map naglakip og nagkalainlaing mga hulagway nga mopaarang-arang sa mga kasinatian sa mga miyembro sa pagpangita og mga sakop sa stake, meetinghouse, templo, ug ubang mga pasilidad sa Simbahan.
Sa pag-access sa bag-ong LDS Maps, adto sa LDS.org > Tools > Maps. Kini anaa sa 16 ka mga pinulongan—Chinese, Czech, Danish, Dutch, English, Finnish, French, German, Italian, Niponggo, Korean, Norwegian, Portuguese, Russian, Spanish, ug Swedish.
Ang pipila sa bag-o nga mga hulagway naglakip sa mga household verification, daghang gipakita nga mga kapiliang mapa, mas maayo nga iPad ug tablet support, mga mapa sa utlanan sa unit, ang Locate Me nga hulagway, ug gipanindot nga mga kapilian sa pagprinta.
Ang usa ka tawo nga naggamit sa bag-ong bersyon makatultol sa LDS nga mga simbahan, matan-aw ang mga direksyon sa pagmaneho ug maimprinta kini, ug makigbahin og mga link sa mapa pinaagi sa social media. Usab, kon may LDS Account, ang mga miyembro makakita og impormasyon sa ward ug stake nga para kanila ug sa naglibut niining mga area.
Mga Miyembro Gidapit sa Pagsumiter og mga Litrato sa Kinatibuk-ang Komperensya ngadto sa mga Magasin
Ang Liahona ug Ensign nga mga magasin naghangyo sa mga miyembro sa pag-apil sa umaabut nga kinatibuk-ang komperensya, ug sa kinatibuk-ang mga komperensya nga mosunod, pinaagi sa pagsumiter og mga litrato nga may kalabutan sa komperensya gikan sa ilang lokal nga mga area human dayon sa komperensya. Kini nga mga litrato mahimong imantala sa Mayo ug Nobyembre nga mga isyu sa mga magasin.
Ang mga miyembro makasumiter sa ilang mga litrato nga dali ug sayon ngadto sa LDS.org pinaagi sa pag-adto sa Menu > Magazines (o sa pag-type og lds.org/magazine), ug dayon i-klik ang Submit Your Material sa tuo nga kolum sa landing page sa mga magasin.
Ang mga pahina sa Liahona ug Ensign usab adunay mga seksyon nga giulohan og “Submit Material” diin ang mga miyembro maka-access sa internet sa mga porma sa pagsumiter sa mga litrato.
Ang mga miyembro kinahanglan nga moribyu sa Image Guidelines sa dili pa mosumiter sa ilang mga imahen. Ang mga sumbanan ubos sa “General Conference Photos” naghatag sa eksaktong pormat sa litrato, kalidad, ug sulod nga pangitaon sa mga editor sa magasin, ingon man sa deadline sa pagsumiter sa litrato sa komperensya.
Tablet App alang sa Liahona Gi-release
Ang Simbahan mihimo og bag-ong prototype tablet app nga nagpakita sa sulod sa magasin. Ang LDS Liahona app naglakip sa mga isyu sa Oktubre 2011, Nobyembre 2011, ug Mayo 2012 sa magasin—sa ato pa, ang isyu sa Basahon ni Mormon ug ang duha ka labing bag-o nga mga isyu sa kinatibuk-ang komperensya.
Ang LDS Liahona anaa sa Iningles, Portuguese, ug Spanish ug nagtanyag ug mas aktibong pakig-istoryahanay —gani matuhupon—nga kasinatian sa magasin; sama pananglit, ang tiggamit makabasa sa magasin samtang naminaw ngadto sa audio file sa samang basahon. Ang app gidesenyo alang sa paggamit sa bisan hain sa Android o Apple nga mga platform.
Usa ka bag-ong gipagula nga LDS Maps naglakip sa mga household verification, daghang gipakita nga mga kapiliang mapa, mas maayo nga iPad ug tablet support, mga mapa sa utlanan sa yunit, ang Locate Me nga hulagway, ug gipanindot nga mga kapilian sa pagprinta.