Ang Programa sa Helping Hands Nagbukas og Paagi alang sa Misyonaryo nga Buhat, New Stake sa Amapá, Brazil
Niadtong Sabado, Marso 10, 2012, 21 ka mga tawo gibunyagan. Kini ang labing daghan nga mga tawo sa bag-ohay nga mga tuig diha sa mga estados sa Brazil sa Para ug Amapá, ang duha kabahin sa Brazil Belém Mission, nga midawat sa ordinansa sa bunyag sa samang adlaw ug mahimong “mga katagilungsod” uban sa mga Santos (Mga Taga-Efeso 2:19) ug maglakaw diha “sa kabag-o sa kinabuhi” (Mga Taga Roma 6:4).
Ang bunyag gipahigayon human dayon i-anunsyo nga ang distrito sa Macapá himoon nga stake, nga nahitabo sa Abril 14 ug 15.
Mga lider, mga miyembro, ug mga misyonaryo nagtambayayong sa pagpaninguha niini nga matang sa paglambo. Ang trabaho sa programa sa Helping Hands nahimo usab nga instrumento sa bag-ohay nga misyonaryong buhat.
“Ang mga proyekto sa Helping Hands nga nahimo sa milabay nga duha ka tuig sa estado sa Amapá nagdala sa Simbahan gikan sa kangiub, nagpahigmata sa mga opisyales sa gobyerno, sa mga tigmantala, ug sa katilingban sa kinatibuk-an sa tinguha nga mahimong masinati sa maanindot kaayong programa ug sa simbahan nga nagpasiugda niini,” miingon si José Claudio Furtado Campos, bag-ong na-relesead nga presidente sa Brazil Belém Mission.
Sa tinuod, ang mga proyekto nagtabang og maayo sa estado nga ang mga opisyales sa gobyerno mipagula og tulo ka bag-ong mga pista opisyal sa rehiyon: Abril 6, Adlaw sa Ang Simbahan ni Jesukristo sa mga Santos sa Ulahing mga Adlaw; Hulyo 30, Adlaw sa Helping Hands Solidarity Action; ug Septyembre 23, Adlaw sa “Ang Pamilya: Usa ka Pamahayag ngadto sa Kalibutan”. Dugang pa, nagkauyon nga pasalamat sa Simbahan nga gihatag ngadto ni Elder Jairo Mazzagardi sa Seventy, Ikaduhang Magtatambag sa Area Presidency sa Brazil.
“Ang mga proyekto sa Helping Hands nakatabang sa Simbahan pag-angkon og dugang kredibilidad taliwala sa mga katawhan sa Amapá,” mipadayon si Presidente Campos. “Sa dihang ang atong mga misyonaryo mipaila sa ilang mga kaugalingon … , misulti ang mga tawo nga sila nakadungog na mahitungod sa Simbahan tungod kay sila nakakita og materyal diha sa telebisyon, sa radyo, ug sa pamantalaan. Nakadungog sila og mahinungdanong mga butang mahitungod sa Simbahan, ug kini sa kasagaran nagdugang sa pagkamaabiabihon sa misyonaryong buhat.”
Sa Macapá, Brazil, 21 ka mga tawo ang gibunyagan niadtong Sabado, Marso 10, 2012, mga usa ka bulan sa wala pa mahimong stake ang Macapá Brazil District. Kining bag-o nga mga miyembro gilitratohan dinhi kauban sa mga misyonaryo nga gikan sa Brazil Belém Mission. Ang timaan nag-ingon, “Estaca Macapá,” o “stake sa Macapá.” Ang lokal nga pagpangulo ug pagpamiyembro nakatampo og maayo sa kalamboan ug kalig-on sa Simbahan ngadto sa programa sa Helping Hands.
Gilitratohan ni Michelle Sá