Mga kabatan-onan

Pagkasayud Unsa ang Isulti

Kon inyong gibati nga dili paigo ang inyong nahibaloan sa ebanghelyo aron ipakigbahin kini sa uban, paghupay niini nga mga saad gikan sa mga kasulatan:

“Ipataas ang inyong inyong mga tingog ngadto niini nga mga katawhan; ipamulong ang mga hunahuna diin Ako mobutang sa inyong mga kasingkasing, ug kamo dili pagalibugon sa atubangan sa mga tawo;

 “Kay ihatag kini kaninyo sa takna gayud, oo, sa diha gayud nga higayon, unsa ang inyong isulti” (D&P 100:5–6).

“Ang Manlalaban, ang Espiritu Santo, nga sa akong ngalan igapadala sa Amahan, siya mao ang magatudlo kaninyo sa tanang butang, ug magapahinumdom kaninyo sa tanan nga akong gikasulti kaninyo” (Juan 14:26).

Kini talagsaong mga saad, apan sa pag-angkon niini, kinahanglang buhaton nato ang atong bahin. Niini nga mensahe, si Presidente Eyring nagtudlo kanato unsaon: “Pangandam sa pagpakigbahin [sa ebanghelyo] pinaagi sa pagpuno sa inyong hunahuna kada adlaw sa mga kamatuoran sa ebanghelyo.” Unsa ang inyong buhaton aron mapuno ang inyong hunahuna sa mga kamatuoran sa ebanghelyo?