Talofa! O au o Timofei mai Kyiv, Iukureini
O Timofei e ono tausaga e nofo i Kyiv, Iukureini, le laumua o Iukureini ma le nuu o le malumalu muamua a lona atunuu. Ua fiafia lava Timofei i le malumalu fou ma isi mea e tele. Na faapitoa lava lona fiafia ina ua pauu ona nifo muamua e lua. Na se’i e lona tama le isi i le fale o lona tina matua, a o le isi na pau ese lava ia.
Na ou fesili i au uo e toatolu i le aoga pe latou te talitonu i le Atua. Na latou fai mai ioe. Na ou fai atu e faapena foi au. Na ou tuuina atu ia i latou se valaaulia ina ua tatala le malumalu mo maimoaga. Na latou fai mai, “Ua lelei, o le a matou o atu.”
Na amata i le tausaga lenei ona fai au lesona karate ona o loo aoao foi e lou tama ma lou uso le karate. Na ou aoao e velo atu ni tu’i malolosi, puipuia au, ma sii ni mea mamafa.
Ma te fiafia ma lou uso e fausia ni fale, taavale, ma ni tagata laiti ia ma fasi poloka.
Na auauna atu ou uso i le fale tatala o le malumalu. Na ou manao ou te auauna atu foi, ae na ou laitiiti tele. Na ou alu faalua i le maimoaga i le fale tatala o le malumalu. Na ou matuai fiafia lava i ai.
I le taimi o le taumafanafana na aoao ai a’u e ou uso e toalua e taalo soka. Na aoao au e tamoe i le malae ma puipui le tini. E ui lava e matutua i laua, ae matou te taaalo ma i laua ma a la uo.
Ou te fiafia i au tamai taavale. Ona e fai i uamea, e le ta’ei ai ma faaleagaina. Ua umi tele o i ai au meataalo, ma e tau leai ni maosiosia.
Ou te matuai fiafia lava e momoe ma au meataalo i le po. Pe a momoe o’u uso, ou te taalo pea mo sina taimi i au meataalo.
Ata na pueina e Chad E. Phares