Aumaia o le Peraimeri i le Fale
E Aoao Au e Tulafono e Sefulu ina ia Alofa i le Atua ma Ana Fanau
E mafai ona e faaaogaina le lesona ma le gaoioiga lenei e aoao atili ai e uiga i le autu o le Peraimeri i le masina lenei.
Na pisi lou aso! Na fesili mai lau uo i le vasega pe mafai ona ia kopiina lau meaaoga na fai i le fale. Na e manao e faamaoni, ma na e fai atu ia te ia e leai ae mafai ona e fesoasoani ia te ia.
Ina ua e foi mai le aoga, na e vaai i lou tuaoi o tau sii i luga se ato lapoa o fualaau aina na ia faatoa tauina mai lana togalaau. Na e fia alu i le fale, ae na e tamoe atu ma fesoasoani ia te ia e sii le ato i totonu.
I le maea ai o le aiga o le afiafi na fai atu lou tama e fai lau meaaoga o le numera. E faigata le numera ma e te lei manao e fai, ae na e filifili e usitai i lou tama.
Na e lelava i le taimi e moe ai, ae na e tootuli i lalo ma faafetai i le Tama Faalelagi mo ou faamanuiaga.
Pe na e iloaina o le faia o nei filifiliga lelei uma, sa e mulimuli i Tulafono e Sefulu? Ina ua sosola tagata Isaraelu mai Aikupito, na latou manaomia le taitaiga mai le Alii. Na ala mai i le perofeta o Mose, na tuu mai ai e le Alii i tagata tulafono e sefulu e mulimuli ai ina ia ola i se olaga amiotonu. Ua aoao mai Tulafono e Sefulu e uiga i le faaaloalo i le Atua, faamaoni, ava i o tatou matua, tausia o le Sapati ia paia, ma le avea ma tuaoi lelei. O nei tulafono o loo tumau pea le taua i aso nei e pei ona i ai i le fia afe tausaga talu ai. Afai tatou te mulimuli i poloaiga a le Alii, ua tatou aoao e alolofa ma faaaloalo i le Atua ma agalelei ma agaalofa ia i latou o siomia ai i tatou.
Ata na tusia e Scott Greer