I Tala Fou

O Faafanua ua Faaleleia a le AAG ua Fesoasoani i Tagata Lotu e Iloa ai Nofoaga o le Ekalesia

O se vaega fou o ata e tele o Faafanua a le AAG e aofia ai le tele o ituaiga ata o le a faaleleia ai le aafiaga o tagata lotu i le sailia o tagata o le siteki, faletapuai, malumalu, ma isi fale o le Ekalesia.

Ina ia maua ia Faafanua fou a le AAG, alu i le LDS.org > Tools > Maps. O loo maua i gagana e 16—Saina, Siekisolovakia, Tenimaka, Take, Igilisi, Finelani, Farani, Siamani, Italia, Sapani, Korea, Nouei, Potukale, Rusia, Sipaniolo, ma le Suetena.

O nisi o ata fou e aofia ai faamaoniga o fale, le tele o filifiliga o ata faaalia o faafanua, e sili atu le faigofie i iPad ma tamai api komepiuta, faafanua o tuaoi o iunite, le Ata o le Locate Me, ma isi lomiga ua faaleleia.

O tagata o loo faaaogaina le lomiga fou e mafai ona sailia nofoaga o le AAG mo tapuaiga, maimoa i faatonuga o ala o taavale ma lolomiina, ma faasoa atu fesootaiga o le faafanua i faasalalauga lautele. E faapea foi, pe a saini i totonu o le Faitotoa a le AAG, e mafai e tagata lotu ona maimoa i faamatalaga o uarota ma siteki e faapitoa ia i latou ma eria o loo siosiomia ai i latou.

Valaaulia Tagata Lotu e Auina Mai Ata Pue o le Konafesi Aoao i Mekasini

Ua talosagaina e mekasini o le Liahona ma le Ensign ia tagata lolotu ina ia auai i le konafesi a sau, ma isi konafesi aoao o mulimuli mai, e ala i le auina mai o ata e faatatau i konafesi mai ia latou eria o le lotoifale i le taimi lava e maea ai le konafesi. O nei ata pue o le a fuafuaina e faasalalau atu i lomiga o mekasini o Me ma Novema.

E mafai ona vave ma faigofie le auina mai e tagata lotu o a latou ata i le LDS.org e ala i le alu i le Menu > Magazines (po o le ta i totonu o le lds.org/magazine), ma kiliki le Auina mai Lau Tusiga i le koluma taumatau o le itulau autu o le mekasini.

E maua foi i itulau o le Liahona ma le Ensign vaega ua ta’ua “Auina mai Tusiga” lea e mafai ai e tagata lotu ona maua ia fomu i le initoneti e auina mai ai ata.

E tatau i tagata lotu ona iloilo le Image Guidelines ao lei auina mai a latou ata. O taiala i lalo o le “Ata o le Konafesi Aoao” o loo faamanino mai ai le faatulagaina o le ata, le tulaga lelei, ma le atoatoa o loo sailia e faatonu o le mekasini, e faapea foi le taimi faatapulaaina mo ata o le konafesi e auina mai.

Ua Maua Nei i le Tamai Api Komepiuta le Liahona

Ua fai e le Ekalesia se ituaiga fou o tamai api komepiuta o loo faaalia ai anotusi o le mekasini. O loo aofia i le api komepiuta Liahona a le AAG ni lomiga o le mekasini o Oketopa 2011, Novema 2011, ma Me 2012—i nisi upu, lomiga o le Tusi a Mamona ma lomiga o konafesi aoao e sili ona lata mai e lua.

E maua le Liahona a le AAG i le gagana Peretania, Potukale, ma le Sipaniolo ma e ofoina atu aafiaga e sili atu le fesootai—ma loloto foi o le mekasini—; mo se faataitaiga, e mafai e tagata o faaaogaina le mekasini ona faitau i le mekasini ao faalogologo i se faila faalogologo o lena lava tusiga. Ua mamanuina le api komepiuta mo le faaaogaina i luga o komepiuta Android po o le Apple.

O se faalauiloaina fou o Faafanua o le AAG e aofia ai faamaoniga o fale, le tele o ituaiga o ata faaalia o faafanua, e sili atu le faigofie o iPad ma tamai api komepiuta, faafanua o tuaoi o iunite, le ata o le Locate Me, ma lomiga ua faaleleia.