E fesili mai tagata ia te au i nisi taimi e uiga i ofusa o le malumalu, e masani lava i faaupuga le faaaloalo. O le a le mea e tatau ona ou tau atu ia i latou?

O le mea muamua lava, afai e faaaoga e tagata faaupuga le faaaloalo i ofusa o le malumalu, e matuai talafeagai lava mo oe le talosaga atu ma le alofa ia i latou e faaali se faaaloalo sili atu, ona o ofusa e paia ia i tatou.

Ma le isi foi, atonu e te manao e tau atu o tagata ma faifeau i le tele o isi lotu e fai teuga faapitoa o lavalava e sui mo a latou faatuatuaga patino po o latou tiute aloaia, ma o le mea moni e faapea o la tatou faiga masani faalelotu e aofia ai lavalava faapitoa, o se mea moni lava e masani ai.

Ina ia faamalamalamaina le taua o ofusa o le malumalu, e mafai ona e fai atu ua na o ni ofu faigofie lava, ma tauagafau e ofu i lalo ifo o lavalava e tuuina atu i tagata matutua o le Ekalesia o se vaega o ni sauniga faapitoa i o tatou malumalu. I nei sauniga, tatou te tautino atu i tatou lava ia ola i le ala e finagalo Iesu Keriso tatou te ola ai, ma o ofusa o se faamanatu faaletino i taimi uma o lenei tautinoga patino faaleagaga. I lenei auala, e mafai ona fesoasoani ofusa e puipuia i tatou mai faaosoosoga ma mea leaga.