O le a le taimi e le talafeagai ai ona faasoa atu ni aafiaga faaleagaga?
O le faasoaina atu o o tatou aafiaga faaleagaga ia i latou ua saunia e faalogo i ai o se auala matagofie lea e atiina ae ai le faatuatua ma molimau a isi. Afai ua e lagona le uunaia o oe e faamatala se tali o se tatalo, mo se faataitaiga, o le a faateleina le faatuatua o isi e mafai ona taliina a latou tatalo. Ae afai na i ai sou aafiaga faaleagaga e le masani ai po o se aafiaga faaleagaga e matuai patino lava, e sili le aua nei faasoaina atu sei vagana ua uunaia oe e le Agaga Paia e fai.
Na saunoa mai Peresitene Boyd K. Packer, le Peresitene o le Korama a Aposetolo e Toasefululua:
“Na ou aoaoina e faapea, o lena uunaiga malosi faaleagaga e le oo mai soo ia i tatou. Ma afai e oo mai, e masani lava e mo lo tatou lava faagaeetiaina, aoaoga, po o se aoaiga. …
“Ua oo foi ina ou talitonu e le o se mea atamai le faaauau pea ona talatalanoa e uiga i aafiaga faaleagaga e le masani ai. E tatau ona puipuia ma le faaeteete ma e na o le pau le taimi e faasoa atu ai, pe a uunaia oe e le Agaga lava ia e faaaoga mo le manuia o isi. …
“E tatau lava ia i tatou, i lou lava talitonuga, ona tatou tausia nei mea ma mafaufau loloto i ai i o tatou loto.”1