Autalavou

Iloaina o le Mea e Ta’u Atu

Afai e te lagona e le o lava lou iloa e uiga i le talalelei e faasoa atu ai i isi, ia e maua le toafilemu i folafolaga nei mai tusitusiga paia:

“Ia sii a’e o oulua leo i lenei nuu; tautala atu mafaufauga o le a Ou tuu i o oulua loto, ma o le a le faafememeaiina oulua i luma o tagata;

 “Aua o le a tuu atu ia te oulua i le itula tonu lava, ioe, i le minute tonu lava, mea e te lua fai atu ai” (MF&F 100:5–6).

“A o le Fesoasoani, o le Agaga Paia lea, e auina mai e le Tama i lo’u igoa, o ia lava na te aoao ia te outou i mea uma lava; e faamanatu mai foi o ia ia te outou i mea uma ua ou fai atu ai ia te outou” (Ioane 14:26).

O ni folafolaga maoae nei, ae ina ia mauaina, e tatau ona faia le tatou vaega. O lenei savali, ua aoaoina ai i tatou e Peresitene Eyring i le auala: “Sauni e faasoa atu [le talalelei] e ala i le faatumuina o lou mafaufau i aso uma i upumoni o le talalelei.” O le a se mea e mafai ona e fai e faatumu ai lou mafaufau i upumoni o le talalelei?