Kon ang mga tawo mangutana nganong magpadala man ta og mga misyonaryo ngadto sa Kristiyanong mga nasud, unsay akong itubag?
Paghulagway sa litrato pinaagi ni Sway Chavez
Alang sa daghang tawo nga dili mga miyembro sa atong Simbahan, “ang misyonaryo nga buhat” nagpasabut sa pag-adto sa layo nga dapit diin, sama pananglit, ang dili mga Kristiyano tudloan mahitungod sa Kristiyanismo ug diin ang tawhanong pagtabang mapahigayon. Mao nga kon mahibaloan nila nga ang Simbahan naghimo og “misyonaryo nga buhat” diha gayud sa ilang dapit, matingala sila kon ngano.
Ang mensahe nga ipakigbahin sa atong mga misyonaryo para sa tibuok kalibutan, mao nga ipadala nato sila ngadto sa tibuok kalibutan. Nagtuo kita nga ang kahingpitan sa ebanghelyo ni Jesukristo napahiuli na, lakip ang Simbahan ni Kristo ug awtoridad sa priesthood nga gikinahanglan aron mapahigayon ang mga ordinansa, sama sa bunyag. Niini lamang nga Simbahan napahiuli ang kahingpitan sa ebanghelyo. Tungod kay ang tanang katawhan kinahanglang makadungog sa mensahe, lakip sa mga dapit diin dugay nang naa ang tradisyon sa Kristiyanismo, mopadala kita og mga misyonaryo sa tanang katawhan.