Matagofie Mea Uma
Vaai faalemafaufau o loo e asiasi atu i Aferika. A o e vaavaai atu i meaola taaloa e ala i lau meavaaimamao, sa e vaaia se mea o sau agai mai ia te oe. O se lulu aeto! A o latalata mai, ua sii ae lou lima e puipui ai oe lava. Ae nai lo le osofaia o oe, sa tu malie ifo le lulu i luga o lou lima, ma fai ni nai leo laiti ma tilotilo atu ia te oe mo sina taimi a o lei toe lele ese atu. Na tupu moi lava lenei mea ia Peresitene Boyd K. Packer, Peresitene o le Korama a Aposetolo e Toasefululua. E fiafia tele o ia i meaola ae maise lava o manulele.
O se tasi o mea e faaalia ai e Peresitene Packer lona fiafia tele i le natura e ala lea i le tusiata. Mai lava i lona laitiiti, sa fiafia ai o ia e tusi, vali, ma vane. “O a’u matauga uma lava ua faamaonia ai i lo’u loto o loo i ai se Atua, o le sa foafoaina ia mea uma,” o le saunoaga lea a Peresitene Packer.
Sa tusia e Peresitene Packer ia meaola nei ina ua 11 ona tausaga. Sa masani ona aumai e lona tama i le fale ia ni pepa faasili ia sa le faaaogaina e le fale nusipepa i le lotoifale, ona faō loa lea o Peresitene Packer e tusi ana ata. “Afai o le tusi ata o se faama’i, ia e foliga mai sa matuai ogaoga lo’u afaina ai,” o lana saunoaga lea.
Pe tusa o le 10 tausaga o Peresitene Packer sa ia faia ai le mea lenei mai fatu laau o le paina sa ia maua mai i se malaga tolauapi a le latou aiga.
A o avea ai ma se pailate i le militeli, sa auina mai ai e Peresitene Packer ana tusi i lona aiga i ni teutusi sa ia teuteuina i ona taimi avanoa.
Ua tele ni manulele ua vaneina e Peresitene Packer i le aluga o tausaga. Fai mai a ia, o le vaneina o ni mea e fesoasoani e malolo ai ma mafaufau ai e uiga i mea e tatau ona ia lauga ai i ni ana tautalaga o loma.
Sa ta ma valiina e Peresitene Packer ia manulele laupapa o loo i lalo a o laitiiti o ia, e faaaoga ai laupapa mai ni atigipusa tuai ma ni vali sa tuuina atu ia te ia e se tuaoi.
Ata pue mai faaaloaloga a Peresitene Boyd K. Packer