Tusigāmanatu Konafesi Oketopa

2013

Fepuari 2013

Tusigāmanatu Konafesi Oketopa

“O le mea ua fai atu ai A’u o le Alii, ua Ou fai atu ai; … pe i lo’u lava leo po o i le leo o a’u auauna, ua tutusa lava” (MF&F 1:38).

A o e suesueina le konafesi aoao ia Oketopa 2012, e mafai ona e faaaogaina nei itulau (ma Tusigāmanatu o le Konafesi i lomiga i le lumanai) e fesoasoani ai ia te oe e suesue ma faaaoga aoaoga talu ai nei a perofeta soifua ma aposetolo ma isi taitai o le Ekalesia.

Faatumu le Avanoa

“O le faaiuga e auauna atu i se misiona o le a faafuaitino ai le o le faifeautalai, o lona toalua, ma a la’ua fanau mo tupulaga a sau” (Russell M. Nelson, “Fesili i Faifeautalai! E Mafai ona Latou Fesoasoani Atu ia te Oe!” Liahona, Nov. 2012, 18).
“Ina ia fesoasoani i le faaleleia atili o lo tatou , Ou te fia fautuaina atu ni upu se fa ia manatua: ‘Muamua matau, auauna ai’” (Linda K. Burton, “Matau Muamua, Ona Auauna Atu ai Lea,” Liahona, Nov. 2012, 78).
“O le galuega o le malumalu ma o le galuega e tasi e vaevaeina i ni vaega se lua” (Richard G. Scott, “O Le Olioli i le Faaolaina o E ua Maliliu,” Liahona, Nov. 2012, 93).
“O le uiga taualuga o le alofa o le ” (Jeffrey R. Holland, “O Le Poloaiga Muamua ma le Sili,” Liahona, Nov. 2012, 84).

Tali: 1.taunuuga faaleagaga; 2. fealofani; 3.talafaasolopito o aiga; 4.faamaoni

Fatuina o ni Agaifanua Faaleaiga

Sa aoao mai e Elder L. Tom Perry o le Korama a Aposetolo e Toasefululua ni mea se lima e mafai ona faia e matua e fatu ai ni agaifanua faaleaiga malolosi atu. Sa ia fai mai: “O nei fautuaga mo le fatuina o ni agaifanua faaleaiga malolosi atu e galulue soosootauau ma le agaifanua a le Ekalesia. O a tatou agaifanua malolosi faaleaiga o le a avea ma se puipuiga mo a tatou fanau.”

“E mafai e matua ona tatalo faatauanau, ole atu i lo tatou Tama Faalelagi e fesoasoani ia i latou.”
“E mafai ona fai a latou tatalo faaleaiga, suesueina o tusitusiga paia, ma afiafi faaleaiga, ma talisua faatasi ma faifaisoo pe a mafai.”
“E mafai ona faamanuiaina tele matua mai upegafesootai lagolago a le Ekalesia.”
“E mafai ona faasoa atu e le aunoa e matua a latou molimau ia latou fanau.”
“E mafai ona tatou faatulagaina o tatou aiga e faavae i luga o ni tulafono faaleaiga ma ni faamoemoega e manino ma faigofie, tu ma masani lelei faaleaiga, ma “alamanuia o le aiga.’”

Mai le: “Avea ma ni Matua Lelei,” Liahona, Nov. 2012, 28.