Faamatalaga

Suesue, Manatunatu Loloto, ma Faaaoga

O le Liahona e faamalosia ai lo’u agaga ma la’u molimau o upumoni o le talalelei. E patino lava, e puipuia ai au mai mailei a Satani e ala i le fesoasoani mai ia te au e liliu atu i mea e taua moni. O masina taitasi e i ai se savali e foliga mai e tusia faapitoa lava mo au. Ou te iloa o le finagalo o le Tama ia tatou suesue ma manatunatu loloto i savali o masina taitasi, ma faaaoga i o tatou olaga i aso faisoo.

Pamela Ananta Barbosa da Silva, Brazil

O Se Ala o le Malamalama

O tusitusiga paia o se oa e le mafaatauina. Ae ou te mafaufau foi o le Liahona o se oa. O loo i ai se malamalama tele e susulu mai i ona itulau. E maua mai ai avanoa e faasa’o ai o tatou sese, ma faaatoatoaina i tatou lava e ala i ona savali, e faapei foi o tusitusiga paia. I itulau taitasi, o loo i ai se aoaoga taua, e i ai se avanoa, e i ai foi se ala o le malamalama.

Manuel de Araújo Fernandes, Mozambique