I Tala Fou

Ua i ai Nei le Tusi a Mamona i Lao

E silia ma le 4,500 tagata o le Ekalesia i Lao, i Taialani, ma ua i ai nei foi nai vaega toalaiti i le Iunaite Setete ma Kanata ua maua le Tusi a Mamona atoa i Lao.

Ua maua le faaliliuga fou i le gagana i tusi faavaa vaivai, mai faletusi autu o le Ekalesia i le lotoifale ma le initoneti i le store.lds.org (aitema nu. 35607331) ma le LDS.org.

Ua Fesoasoani le Potutusi o Aoaoga Faaleautaitai i Tagata o le Ekalesia i Valaauga Fou

Ua silia ma le tausaga talu ona faalauiloa mai le, Leadershiplibrary.lds.org ma o le a faaauau pea ona avea ma se punaoa taua mo tagata o le ekalesia—pe tusa ma le 100 vitio o loo i ai i gagana e 11 ua tuuina mai ai le fesoasoani e faatatau i le tele o valaauga eseese i le Ekalesia.

O loo aofia ai i vitio faamatalaga e lei tusia a uarota ma paranesi moni i atunuu eseese. A faailoa mai e Au Peresitene o Eria tulaga manaomia mo aoaoga, ona faaopoopo lea o anomea fou i le potutusi i kuata taitasi.

“O le faamoemoega o le [Potutusi mo Aoaoga Faaleautaitai] e fesoasoani ai i taitai i le lotoifale e aoaoina, aoao atu, ma faaaoga mataupu faavae ma aiaiga faavae mai le tusitaulima,” na saunoa ai Elder Russell M. Nelson o le Korama a Aposetolo e Toasefululua.

Ua Faatuina e Taitai se Siteki Lona Lua i Rusia, ma le Lona Valu i Italia

I le aso 9 o Setema, 2012, o le aso na atoa i ai le 88 o Elder Russell M. Nelson o le Korama a Aposetolo e Toasefululua, na faatuina ai le Siteki a St. Petersburg Rusia—siteki lona lua lea i Rusia.

E fitu aso mulimuli ane ai, sa vaeluaina ai e Elder Ronald A. Rasband o le Au Peresitene o Fitugafulu le Siteki a Milan Italia e faavae ai le Siteki fou a Milan Italia Sasae. Na toe faaigoaina le Siteki a Italia i le Siteki a Milan Italia Sisifo.

Na Asiasi atu Taitai o le Ekalesia i Ao o Malo i Kalaotia ma Posenia

Na feiloai atu Elder Ronald A. Rasband o le Au Peresitene o Fitugafulu ma Elder Kent F. Richards, Fesoasoani Lua i le Au Peresitene Eria o le Eria a Europa, i ao o le malo o Kalaotia ma Posenia ma Herzegovina i le masina o Setema 2012.

I Kalaotia, na feiloai atu ai Elder Rasband ia Peresitene Ivo Josipović ma tautino atu ai le naunautaiga faifai pea a le Ekalesia e faamalolosia le aiga.

I le aso 12 o Setema, na feiloai ai Elder Rasband ma Željko Komšić, o se tasi o le au peresitene soofaatasi e toatolu o Posenia ma Herzegovina, i se tasi o uluai fonotaga na faia i le va o se taitai o le Ekalesia ma se ao o le malo mai Posenia.

Na faamatala e Peresitene Komšić ia faiganuu eseese faalelotu o loo i ai i totonu o Posenia, ma sa taliaina le Ekalesia e avea o se sui o lena faiganuu. Sa faamalamalama e Elder Rasband e faapea o le aiga o se faamuamua maualuga lea i le Ekalesia, ma ua nofo sauni ona tagata i le lagolagoina o lea faamoemoega fai faatasi i Posenia ma Herzegovina.

O talavou nofofua matutua faatasi ai ma Elder Russell M. Nelson ma Sister Nelson i Togalaau o le Taumafanafana i St. Petersburg, Rusia.

© Puletaofia e le IRI