Marautaki ni Valetabu!
E vakaitikotiko o Darcie Jensen e California, Amerika.
Era reki na Yalododonu Edaidai, ni sa vakacavari na Valetabu e Salt Lake ena 1893. E taura e 40 na yabaki mera tara kina na valetabu. Baleta ni ra a cau vakailavo na gonelalai ena veivuke ni tara valetabu, a nanuma kina o Peresitedi Wilford Woodruff me vakayacori e lima na iwasewase ni soqoni digitaki ni veivakatabui mera tiko kina na gonelalai.
Era sa levu sara tu na valetabu e vuravura edaidai, ka ra se veivuke tikoga na gonelalai ena marautaki ni kena vakacavari na valetabu. Raica se a vakacava na nodra vakaitavi na gonelalai ena gauna oya kei na gauna oqo.
E sivia ni 12,000 na gonelalai era a lako ki na Valetabu e Salt Lake ena kena vakatabui. Era vodoka e dua na sitimanivanua na gonelalai mai na Tabanalevu na Sugar House.
Na tikite oqo e vakatarai ira na gonelalai yacova na yabaki 16 mera tiko ena soqoni digitaki ni veivakatabui ena Valetabu e Salt Lake. Era a vosa na iApositolo kei na lewe ni Mataveiliutaki Taumada vei ira na gonelalai ena loma ni valetabu.
Era dau vakatabui tale na valetabu ena so na gauna ni sa oti na nodra vakavinakataki. Era lagasere na gone ena Lalai ka ra tauri cina ena nodra vakatasuasua ni kena vakatabui tale na Valetabu e Anchorage Alaska.
Ena veimacawa ni se tara tiko na Valetabu e Gilbert Arizona, o ira na gone ena Lalai ni iteki na Gilbert Arizona Highland era sa tuvana e dua na inaki mera qarava e dua ena nodra tabanalevu.
Ni se tara tiko na Valetabu e San Diego California, o ira na gone ena Lalai mai Mexico era a cakava e dua na ibutubutu dui roka ni valetabu. Era a tucake tu ena ibutubutu na Vakaitutu Raraba ena soqoni ni vatunitutu ena veivakatabui.
Era a vodo lori mai na gone ena Lalai e Manitoba, Kenada, ki na Valetabu e Regina Saskatchewan mera mai tara na lalaga ka yalataka mera na curuma ena dua na siga.
Era a veisureti na gone ena Lalai vei ira na vulagi ena soqoni ni dola raraba ni Valetabu e Kyiv Ukraine ena nodra lagata “I Love to See the Temple.”
E sivia ni 800 na gone ena Lalai mai na Ra kei Aferika era lagata “Au Luve ni Kalou” ena veivakamarautaki vakavanua ni bera ni vakatabui na Valetabu e Accra Ghana.
Na valetabu yadua e tiko na kena vatunitutu ka vakaraitaka na yabaki e a vakatabui kina. Era na dregata na vatunitutu na Vakaitutu Raraba ena mota ena gauna ni veivakatabui. O Isaac B., yabaki 9, a veivuke ena kena biu na mota ena vatunitutu ni Valetabu e Kansas City Missouri.
Era a lagasere na gone ena Lalai vei Peresitedi Gordon B. Hinckley ena nona yaco yani me vakatabuya na Valetabu e Aba Nigeria.
iTaba (mai na imawi): iloloma ni Iteki na Gilbert Arizona Highland; iloloma ni Valenivola ni iTukutuku Makawa ni Lotu; iloloma i Richard N. Holzapfel; mai vei Lynn Howlett; mai vei Mabel kei Delbert Palmer; iloloma i Russell K. Anderson; mai vei David M. W. Pickup; mai vei Lori Garcia; mai vei Gerry Avant; kei mai vei Julie Dockstader Heaps; Droini mai vei Brad Teare