Taro kei na Kena iSau Baleta na Valetabu
Na cava e tiko kina na valetabu?
Na valetabu ni Lotu i Jisu Karisito ni Yalododonu Edaidai era sa vanua tabu ka da vulica kina na dina tawamudu ka vakaitavi ena veicakacaka tabu vakalotu.
E vakacava tu na loma ni valetabu?
Na valetabu sa dua na vanua e veivakacegui, rokovi, ka totoka. Na ka kece ena loma ni valetabu era savasava ka tuvani vakamaqosa. Na tamata kece era sulu vulavula ka ra veivosaki ena vakasolokakana.
Na cava e dau caka tiko ena valetabu?
Sa rawa ni vauci e dua na marama vua na watina, kei ira na gone vei rau na nodra itubutubu. Na veivauci e vakatara na matavuvale mera tiko vata ga me tawamudu. Era dau ciqoma talega na turaga kei na marama ena valetabu, e dua na isolisoli ni veivakalougatataki vakayalo ka vakatokai na edaumeni. Sa rawa ni ra ciqoma talega na edaumeni ka veivauci me baleti ira na sa mate ka ra sega ni cakava na veiyalayalati ni valetabu.
Na cava tale e yaco tiko ena valetabu?
Eso tale na cakacaka tabu vakalotu e dau caka ena valetabu me ikuri ni veivauci kei na tauri edaumeni. Sa rawa ni ra papitaisotaki na tamata ka vakadeitaki ena vukudra o ira ka ra sega ni lewena na Lotu ena gauna era se bula kina. Ni ko sa yabaki 12 ka sa kilikili na nomu bula mo curuma na valetabu, sa rawa ni nomu na madigi mo na papitaisotaki ka vakadeitaki ena vukudra na a sa mate ka ra sega ni a ciqoma na kosipeli.
Vakacava ke se bera ni curuma na valetabu na noqu matavuvale?
Na Tamada Vakalomalagi e kilai iko ka lomani iko kei na nomu matavuvale. E vinakata o Koya mera taukena vakayadua na tamata na veivakalougatataki ni cakacaka tabu vakalotu ni valetabu. Bula Kilikili mo Curuma na Valetabu. Tuva e dua na inakinaki ena gauna oqo ni ko na ciqoma na edaumeni ka vakamau ena valetabu ena dua na siga. Ena vakalougatataki iko kei na nomu matavuvale na Tamamu Vakalomalagi.
Droini mai vei Brad Teare