ENA SALATU
Na Vanua a Tauyavu Kina na Lotu
Tomani keimami mai mo dikeva e dua na vanua bibi ena ivolatukutuku ni Lotu!
E sega ni dodonu me rau rai sara vakayawa o Maggie kei Lily E kevaka erau vinakata me rau raica na vanua a tauyavutaki taumada kina na Lotu. E toka tikiva na valenilotu e Fayette, Niu Yoka, ka ra dau lako kina i lotu ena Sigatabu!
Na Lotu a tauyavutaki ena dua na vale ni lotu, ia ena dua na vale kau. A lako mai me vakaitikotiko e kea na Parofita o Josefa Simici vata kei na matavuvale i Whitmer ena 1829. Na imatai ni vale sa sega tale ni qai duri tu, ia na vale kau lailai oqo e se toka ga ena kena itutu makawa.
E tiko ena valenilotu ka rau dau laki lotu kina o Maggie kei Lily e dua na rumu ni vulagi vata na veivakatakarakara me baleta na itikotiko nei Whitmer kei na veika uasivi a yaco kina.
1. A vakacavara eke o Josefa Simici na nona vakavakadewa ni iVola i Momani.
2. E tautuba, sega ni yawa mai na itikotiko, e ratou a raici agilosi Moronai kina kei na peleti koula e lewe tolu na turaga. Eratou a vakatokai na iVakadinadina Lewe Tolu baleta ni ratou vakadinadinataka, se raica saraga, na peleti. E rawa ni o raica na nodratou ivakadinadina ena muailiu ni iVola i Momani.
3. Ena Epereli 6, 1830, rauta ni 60 na tamata era a lako mai ki na dua na soqoni duatani. A tauyavutaka vakaivola na Lotu o Josefa Simici, ka masulaki ka veisoliaki na sakaramede. Oqo na imatai na soqoni ni sakaramede!
4. Rau a papitaiso na itubutubu i Josefa Simici kei na vica tale na tamata e tautuba ni oti ga na soqoni.
iTaba mai vei Brent Walton; droini mai vei Robert T. Barrett © IRI; iSoqosoqo ni Lotu, mai vei Robert T. Barrett, sega ni rawa ni lavetaki