Na Daukaulotu Lailai nei Bubu Deny
E vakaitikotiko ena Tikina Vakalawa e Brazil o Emília Maria Guimarães Correa.
“Ko koya sa vosa ena kaukauwa ni Yalo Tabu na kaukauwa ni Yalo Tabu ena vakadewa ki na yalodra na luve ni tamata” (2 Nifai 33:1).
O Vítor e tiko vata kei tinana kei ganena ena itikotiko nei Buna o Deny. A mani tauvimate na bui Vítor ka sega ni rawa ni biuta na nona idavodavo me vica na macawa. E a tiko duadua ga ena nona rumu vakaikoya.
A mani nanuma o Vítor me sa na vakatawani Bubu Deny tiko. Ni dau lesu i vale ena veisiga mai koronivuli, ena dau kauta o koya e dua na ilavelave ni Liaona i na rumu i Buna ka wilika vua na italanoa mai na tabana ni gonelalai.
Ni oti na nona wilika taucoko na ivola ni Liaona ka tiko ena nona matavuvale, e sa tekivu wilika vua na iVola i Momani kei na iVola Tabu. E sega ni lewenilotu o Bubu Deny, ia e dau taleitaka me rogoci Vítor ni wiliwili vua. E marautaka okoya me vulica na kosipeli.
E dau levu na nona vakatataro o Buqu. Ke sega ni kila na kena isau o Vítor, ena tarogi nona qasenivuli ni Lalai se vakaraica ena ivolanikalou. A vakatokai Vítor o buna me nona daukaulotu lailai.
A tukuna vei Vítor o bubu Deny ni a vulica mai vua e levu sara na ka. A yalataka okoya ni na lako i lotu vata kei Vítor ni sa bula vinaka. Na veika e a vulica e vakavuna nona vinakata me vinaka cake mai ka vulica vakalevu na kosipeli.
A taura matua toka na nona yalayala o Buna, ni sa bula vinaka mai. A lako vata kei Vítor okoya me vulica vakalevu na veika e a vakavulica vua. E sega ni dede na nona sa mai papitaiso ka vakadeitaki o Bubu. A vukei koya o Vítor me vulica ni kosipeli e dina.
A yaco me dua na daukaulotu tudei o Vítor ni sa qase cake ena Boston Massachusetts Mission. Ni se bera ni gole, e a lako vata kei Bubu Deny—ki na valetabu.
iTaba iloloma i Emilia Maria Guimarães Correa