Veivosaki vata na Turaga

Eduardo Oliveira, Ceará, Brazil

Niu se yabaki 15, au a taleitaka e dua na yalewa ena noqu kalasi e koronivuli kau vinakata me keirau veigadivi. E rairai totoka okoya, ia au mani vakananuma ke rawa niu kerei koya ni se bera niu yabaki 16. Au nanuma na Alama 37:37, ka tukuna, “Mo vakarogotaka vua na Turaga na nomu sala kecega, ia ena vakadodonutaka na nomu ilakolako ko Koya.” Oya na ka au qai cakava. Au masumasu ka wawa me vica na siga me sauma mai na Turaga ni bera niu vakatulewa.

Ena dua na siga e valenilotu, a kacivi au na noqu bisopi ki na dua na rumu ka sureti au meu vosa ena Sigatabu ka tarava.Vakilakila na cava na ulutaga? Kakua ni veigadivi vakavo ga ni ko sa yabaki 16. Au vakila deivaki ni oqo sa isaunitaro ni Turaga vei au, ka kena isau na sega. Meu na vakavulica vakacava e dua na ka au se bera ni vakayacora tiko mada ga?

Baleta niu a vakarogotaka vua na Turaga, sa rawa kina meu vulica na loma ni Turaga ki na noqu bula ka vakakina na drotaki ni veitemaki. Au kila ni kevaka eda na veivosaki vata na Turaga, ena tukuna o Koya vei keda na Lomana ka da na vakalougatataki vakalevu sara.